Білім және ғылым
жүктеу/скачать 2,97 Mb.
|
ergojin-polimerlerdin
| 5.33-сурет. Полимердің кристалдану изотермасы
5.34-сурет. Табиғи каучуктің температураға байланысты кристалдану жылдамдығы Изотерма екі бөліктен тұрады: S тәрізді қисықтан және түрлендіру дәрежесінің түзу сызық бойынша өсетін кесіндіден. S тәрізді қисықпен анықталатын үдерісті біріншілік кристалдану деп атайды. Қисық бойындағы нүктелер кристалданудың біріншілігінен екіншілігіне өтуін көрсетеді. Негізінен екі үдеріс те бір мезгілде өтеді, алайда біріншілік кристалдану көп жағдайда жылдам жүреді. S тәрізді қисықтың бастапқы бөлігі тәжірибе нәтижесіне сәйкес келеді, үдерістің соңына қарай кейбір ауытқулар байқалады. Полимердің кристалдану жылдамдығы температураға байланысты (5.34-сурет). Бұл тәуелділік қисығы максимум арқылы жүреді. Төмен және жоғары температурада кристалдану жылдамдықтарының жай жүру себебі - сегментердің кристалдық торға ену қозғалғыштығының әртүрлі болуы, бірінші жағдайда қозғалғыштығы өте нашар, ал екіншісінде - өте шапшаң. Кристалдану изотермалары полимер құрылымының өте аз ақауларына сезімтал. Полимердің кристалдану жылдамдығы Авраами теңдеуімен анықталады: a 1 ek0t n , (5.41) мұндағы а − фазалық өзгеріске ұшыраған заттың t − уақыттағы үлесі; k − кристалдану жылдамдық константасы; n − осы зат үшін туынтек түзілудің түрін және өсіп бара жатқан кристалдың құрылысын сипаттайтын константа. Егер n = 4 болса, онда кристалдың өсуі үш өлшемді болады, ал n = 3 болса, пластинка тәрізді, n = 2 болса, фибриллалы кристалдар түзіледі. 5.35-сурет. Полиэтиленадипинаттың әртүрлі температурадағы кристалдануы Егер Авраами теңдеуін екі рет логарифмдесек, мына өрнекті аламыз: |