Мұрындық бөлігі қызметі жағынан таза тыныс алу бөліміне жатады. Оның басқа бөлімдерден өзгешелігі, қабырғалары қозғалмайтындықтан қабыспайды. Мұрындық бөлігінің алдыңғы қабырғасын хоандар алып жатады. Латералды қабырғасында есту түтігінің жұтқыншақтық тесігі жатады. Осы тесіктің айналасында дөңестеніп лимфа бездері немесе түтік миндалиналары орналасқан. Бұл түзілістерді Пирогов- Вальдейер сақинасы деп атайды, оның құрамына екі таңдай, екі түтік, тіл және жұтқыншақ бадамшалары кіреді. Олар қорғаныс қызметін атқарады: мұрыннан, ауыз қуысынан өткен зиянды заттарды осы лимфа бездері залалсыздандырады.
Ауыздық бөлімі жұтқыншақтың ортаңғы бөлімі, ол алдыңғы жағында аран арқылы ауыз қуысымен жалғасады. Қызметі жағынан ауыздық бөлігі аралас болып келеді, өйткені онда ас қорыту және тыныс алу жолдары қиылысады.
Көмейлік бөлігі- жұтқыншақтың төменгі бөлігі. Ол көмейдің артқы жағында орналасып, көмей кіреберісінен өңеш кіреберісіне дейін созылады.
