Дәріс бойынша ағымдық, аралық, қорытынды бақылауға арналған тест тапсырмалары 1. Cтереометрия курсын оқып-үйрену басталатын мектептің буыны мен сыныбын көрсетіңіз:
A) жалпы білім беретін мектептің жоғары сыныптары;
B) жалпы білім беретін мектептің негізгі буыны;
C) 8-сынып;
D) 9-сынып;
E) 10-сынып;
2. Үшбұрыштарды шешу үшін қолданылатын теоремалар:
A) Гаусс теоремасы;
B) Пифагор теоремасы;
C) Синустар теоремасы;
D) Косинустар теоремасы;
E) Логарифмдер теоремасы.
3. Координаталық әдіс-нүктенің декарттық координаталар жүйесіндегі ... немесе ... орналасуын сандардың көмегімен анықтау әдісі:
A) түзу мен жазықтықта;
B) бұрыш пен шаршыда;
C) цилиндрде;
D) қисық сызық пен үшбұрышта;
E) кеңістікте.
4. Координаталық әдісте қолданылатын негізгі ұғымдар:
A) логарифм;
B) ордината;
C) абцисса;
D) радикал;
E) алгоритм.
5. Есептер тіліне байланысты былайша жіктеледі:
A) практикалық және математикалық есептер;
B)арифметикалық, алгебралық, геометриялық, тригонометриялық, комбинаторлық, т.б. есептер;
C) жай және құрама есептер;
D) есептеуге,дәлелдеуге,зерттеуге,түрлендіруге,құрастыруға,салуға және т.б. берілген есептер;
E) мәтінді, сюжетті және абстрактілі-затты есептер.
1
№13 дәріс
Жаратылыстану-математика бағытындағы 10-11 cыныптарда «Геометрия» курсын оқыту әдістемесі.
Қарастырылатын мәселелер.
1. 10-11 сыныптарда «Геометрия» курсын оқытудың мақсаты мен міндеттері.
2. 10-11 сыныптардағы «Геометрия» курсының жаңартылған білім мазмұны және оқулықтың ерекшеліктері.
3. 10-11 сыныптарда «Геометрия» курсын оқытудың әдістері.
4. 10-11 сыныптарда «Геометрия» курсын оқытуды ұйымдастырудың формалары.
Дәрістің қысқаша мазмұны
Жаратылыстану-математика бағытындағы 10-11 сыныптың «Геометрия» курсының оқу бағдарламалары ҚР Үкіметінің 2012 жылғы 23 тамыздағы № 1080 қаулысымен бекітілген Орта білім берудің (бастауыш, негізгі орта, жалпы орта білім беру) мемлекеттік жалпыға міндетті стандартына сәйкес ҚР Білім және ғылым министрінің 2013 жылғы 3 сәуірдегі №115 бұйрығына қосымша ретінде енгізілген. Ол мынадай тараулардан тұрады:1. «Жалпы ережелер»; 2. ««Геометрия» пәнінің мазмұнын ұйымдастыру»; 3. «Оқу мақсаттарының жүйесі». Бағдарламаға қосымша ретінде «Ұзақ мерзімді жоспар» деген тақырыппен күнтізбелік-тақырыптық жоспар үлгісі келтірілген.
Жаратылыстану-математика бағытында «Геометрия» пәнін оқытудың мақсаты: практикалық іс-әрекетте қолдануға, басқа пәндерді игеруге, білім алуды жалғастыруға қажетті математикалық білімді оқушылардың меңгеруі; жалпы адами құндылықтар және ұлттық мәдениеттің озық салт-дәстүрлер негізінде оқушылардың зияткерлігін дамыту.
Пән бойынша оқу жүктемесінің көлемі: 10-сынып – аптасына 2 сағат, оқу жылында– 68 сағат;11-сынып – аптасына 2 сағат, оқу жылында– 68 сағат.
10-сыныптың базалық білім мазмұны келесі тараулардан тұрады: 1) «Стереометрия аксиомалары. Кеңістіктегі параллельдік». Стереометрия аксиомалары және олардың салдарлары. Кеңістіктегі түзулердің өзара орналасуы. Тетраэдр. Параллелепипед. Түзу мен жазықтықтың өзара орналасуы. Жазықтықтардың параллельдігі; 2) «Кеңістіктегі перпендикулярлық». Түзу мен жазықтықтың перпендикулярлығы. Үш перпендикуляр туралы теорема. Кеңістіктегі арақашықтықтар. Кеңістіктегі бұрыштар. Жазықтықтардың перпендикулярлығы. Тікбұрышты параллелепипед. Жазық фигураның жазықтыққа ортогональ проекциясы және оның ауданы; 3) «Кеңістіктегі тікбұрышты координаталар жүйесі және векторлар». Кеңістіктегі векторлар және оларға амалдар қолдану. Коллинеар және компланар векторлар. Кеңістіктегі тікбұрышты координаталар жүйесі. Кеңістіктегі вектордың координаталары. Координатасымен берілген векторларды қосу және азайту, координатасымен берілген векторды санға көбейту. Векторды үш компланар емес вектор бойынша жіктеу. Екі нүктенің арақашықтығы. Кесіндіні берілген қатынаста бөлу. Кесінді ортасының координаталары. Векторлардың скаляр көбейтіндісі. Сфера теңдеуі. Жазықтық теңдеуі. Кеңістіктегі түзудің теңдеуі.
11-сыныптың базалық білім мазмұны келесі тараулардан тұрады: 1) «Көпжақтар». Көпжақты бұрыш, геометриялық дене туралы түсінік. Көпжақ ұғымы. Призма және оның элементтері, призма түрлері.Призманың жазбасы, бүйір және толық бетінің аудандары. Пирамида және оның элементтері. Дұрыс пирамида. Қиық пирамида. Пирамиданың,қиық пирамиданың жазбасы, бүйір және толық бетінің аудандары. Көпжақтардың жазықтықпен қималары. Дұрыс көпжақтар; 2) «Кеңістіктегі түзу мен жазықтық теңдеулерінің қолданылуы». Кеңістіктегі түзу мен жазықтықтың өзара орналасуы.Кеңістістегі нүктеден жазықтыққа дейінгі арақашықтық. Кеңістіктегі түзулер арасындағы бұрышты, түзу мен жазықтық арасындағы бұрышты табу; 3) «Айналу денелері және олардың элементтері». Цилиндр және оның элементтері. Цилиндрдің жазбасы, бүйір және толық бетінің аудандары. Конус және оның элементтері. Конустың жазбасы, бүйір және толық бетінің аудандары. Қиық конус және оның элементтері. Қиық конустың жазбасы, бүйір және толық бетінің аудандары. Сфера, шар және олардың элементтері. Сфераға жүргізілген жанама жазықтық. Сфера бетінің ауданы. Шар және оның элементтері. Шардың, сфераның жазықтықпен қималары. Цилиндр, конус және шардың жазықтықпен қималары; 4) «Денелердің көлемдері». Денелер көлемдерінің жалпы қасиеттері. Призма көлемі. Пирамида және қиық пирамида көлемдері. Цилиндр көлемі. Конус және қиық конус көлемдері. Кеңістік фигураларының ұқсастығы. Шар және оның бөліктерінің көлемдері.Геометриялық денелердің комбинациялары; Дәріс бойынша ағымдық, аралық, қорытынды бақылауға арналған тест тапсырмалары
1. Кеңістіктегі түзулер өзара орналасуларына қарай келесі түрлерге бөлінеді:
A) параллель түзулер;
B) айқас түзулер;
C) қиылысатын түзулер;
D) айқыш түзулер;
E) перпендикуляр түзулер.
2. Дәлелдеудің құрылымы мынадай бөлімдерден тұрады:
A) тезис;
B) антитезис;
C)функциялар;
D) аргументтер;
E) демонстрациялау.
3. Теоремаларды дәлелдеудің негізгі тәсілдері:
A) аналитикалық тәсілдер;
B) императивті тәсілдер;
C) интегралды тәсілдер;
D) синтетикалық тәсілдер;
E) қосалқы тәсілдер.
4. Геометриялық денелер:
A) параллелограмм;
B) цилиндр;
C) үшбұрыш;
D) конус;
E) эллипс.
5. Функцияның берілу тәсілдері:
A) синтетикалық тәсіл;
B) индукциялық тәсіл;
C) графиктік тәсіл;
D) аналитикалық тәсіл;
E) кестелік тәсіл.
