Дәріс тезистері: №1 дәріс. Жазу және тіл дамыту мәселелері. Оны зерттеген ғалымдар
№ 12 дәріс. Ақпараттық жазба жұмыстар: нұсқаулық, хабарлама
жүктеу/скачать 0,63 Mb. Pdf көрінісі
|
| № 12 дәріс. Ақпараттық жазба жұмыстар: нұсқаулық, хабарлама
Ақпарат туралы сөз болғанда екі нысана (объект) арасындағы қатынас қарастырылады: ақпарат көзі (таратушы) мен ақпарат қабылдаушысы (пайдаланушы). Ақпаратты бір жерден (ақпарат көзінен) басқа жерге (ақпарат пайдаланушысына) жеткізуді қамтамасыз ететін байланыс жүйесі болуы тиіс. Мысалы, қазіргі кездегі қауіп- қатері мол жұмыстарда, жылдам ақпарат алмасуды қажет ететін қызметтерде, ауа немесе теңіз транспортында, табиғи және техногендік апаттар кезінде және көптеген басқа жағдайларда сенімді байланыс жүйесінің болуы аса қажетті. Байланыс жүйесінің негізгі міндеті – белгілі бір уақыт мерзімінде берілген сенімділікпен барынша көп көлемді ақпаратты қажетті жерге жеткізу. Нұсқаулық – ұйымның, құрылымдық бөлімшелер мен лауазымды тұлғалардың қызметі барысында түзілген ғылыми-техникалық, технологиялық, қаржылық және басқа да сипаттағы ұйымдық-өкімдік құжаттар. Олар ұзақ уақыт (қолданысқа жаңасы ендірілгенше) немесе тұрақты түрде сақталады. Барлық нұсқаулық түрлерін екі топқа бөлуге болады: 1) қандай да бір процестің орындалу тәртібін регламенттейтін нұсқаулықтар. Бұларды жүзеге асыруға орындаушылар (лауазымды тұлғалар; құрылымдық бөлімшелер) қатысады; 2) Лауазымды тұлғалардың атқаратын функцияларын, құқықтарын, міндеттері мен жауапкершіліктерін айқындайтын нұсқаулықтар. Хабарлама – жоғары тұрған командирге (бастыққа, штабқа) белгілі бір мәліметтерді хабарлау мақсатына арналған жауынгерлік немесе қызметтік есеп-ақпарат құжаты. Соғыс жағдайында төмендегідей хабарламалар даярланады: жауынгерлік, барлау, байланыс бойынша, инженерлік және химиялық қамтамасыз ету, тыл бойынша және басқа. Бейбіт уақытта хабарламалар жұмылдыру мәселелері, әскерлер қызметі, әскери тәртіп бойынша, сондай-ақ әскерлерді (күштерді) қару-жарақ, техника және басқа жабдықтау түрлерімен қамтамасыз ету бойынша баяндауы мүмкін. Тапсыру мерзімі бойынша Хабарламалар жедел (жедел хабарламалау табелінде белгіленген уақытқа жеткізіледі) және жедел емес (жай) (жағдайдың шұғыл өзгеру кезінде жедел хабарлар табелін есепке алмай жеткізіледі) болып бөлінеді. Шешім баяндалған жауынгерлік хабарламаларға командир және штаб бастығы, ал қалғандарына — штаб бастығы мен тиісті қызметтің бастығы қол қояды. Қамтамасыз ету мәселелері бойынша (инженер лік, химиялық, тыл және т.б.) хабарламаларға тиісті бастық қол қояды. Ақпарат хабарлама түрінде жеткізіледі. Ол үшін хабарлама ақпаратты алыс қашықтыққа жеткізуге арналған ыңғайлы түрде бейнеленеді. Хабарламаның мысалы ретінде телеграммалардың мәтіні, сөз, музыка, теледидар суреттемелері, компьютерден алынатын деректер, нысандарды автоматтандырылған басқару жүйелеріндегі командалар және т.б. келтіруге болады. жүктеу/скачать 0,63 Mb. Достарыңызбен бөлісу:
|