| «Ләззат алу» жаттығуы
Сүйікті істер, хобби, қызығып айналысатын істеріміз - жүйкемізді тыныштандыратын
тәсілдердің бірі болып табылады. Олар әдетте санаулы ғана болады. Адамдардың көпшілігінде 1-
2 хоббидан артық болмайды. Бұндай істер көбінесе жағдайды, уақытты талап еткенімен, өз күш-
қуатымызды қалпына келтіріп, адамға демалыс сияқты әсер ететіндігі рас.
Қатысушыларға қағаз таратылып беріледі. Бұған күнделікті әрекеттерінің ішінде өзіне
ләззат әкелетін әрекеттің 5 түрін жазу тапсырылады. Содан соң ләззат алу дәрежесіне орай 1-ден
5-ке дейінгі сандармен белгілеп қою керек. Бұл мұғалімдерге күш-қуатты қалпына келтіру үшін
қолдануға болатын ресурс деп түсіндіріледі.
Жүргізуші: Біз әрбіреуіміз өмірімізде бала, тек кейбіреуіміз ол туралы ұмытып қаламыз
немесе оны айтуға ұяламыз. Сол балалығымызды еске түсіріп көрейікші, тағы да балалыққа
оралу сондай жағымды. Біз күнде баламен қарым-қатынас жасаймыз, сол баланы өзіміз бала
болып көргенде ғана түсіне алатын боламыз.
Өз күндеріңіздің ашық болғанын қаласаңыз, өз «ләззат алу блокнотыңызды» жасауды
ұсынамын. Бүгінгі тренингімізде күнделікті нәрсені бізге қуаныш әкелетін шығармашылық
жобаға айналадыратын боламыз.
| 
