Әдістемелік нұСҚаулық магистрлік диссертацияны (жобаны) орындауғА, ресімдеуге және қОРҒАУҒА Қойылатын талаптар
тарау. Магистрлік диссертацияны (жобаны) қорғау рәсімі
жүктеу/скачать 490,17 Kb.
|
null-3
| 12 тарау. Магистрлік диссертацияны (жобаны) қорғау рәсімі
204. Магистрлік диссертацияны (жобаны) қорғау АК отырысында мынадай құжаттар болған кезде жүзеге асырылады: 1) Ғылыми жетекшінің оң пікірі; 2) Ғылыми журналдарда немесе ғылыми-практикалық конференция материалдарында диссертация (жоба) тақырыбы бойынша кемінде 1 (бір) жарияланым; 3) Шығарушы кафедраның қорғауға жіберу туралы шешімдері (кафедра кеңейтілген отырысының хаттамасынан үзінді); 4) Біліктілігі бар (ғылыми дәрежесі, ғылыми атағы, философия докторы (PhD), бейіні бойынша доктор немесе магистр дәрежесі) қорғалатын жұмыс бейініне сәйкес келетін рецензенттің пікірі, онда диссертацияның жан-жақты сипаттамасы және тиісті білім беру бағдарламасы бойынша «магистр» дәрежесін беру мүмкіндігі туралы дәлелді қорытынды беріледі. 205. АК-да орындалған магистрлік диссертацияның (жобаның) ғылыми және практикалық құндылығын сипаттайтын басқа материалдар, ғылыми зерттеу нәтижелерін енгізу туралы анықтамалар немесе актілер, макеттер және т.б. ұсынылуы мүмкін. 206. Магистрлік диссертацияны (жобаны) қорғау оның мүшелерінің кемінде 2/3 қатысуымен АК ашық отырысында өткізіледі. 207. Вирустық аурулардың таралуына байланысты карантиндік шаралардың қолданылу кезеңінде шығарушы кафедра Техникалық қамтамасыз ету бөлімінің көмегімен отырысты бейне-конференция түрінде немесе санитариялық нормаларды қатаң сақтай отырып, оффлайн отырысты ұйымдастыруға тиіс. 208. Ғылыми жетекші мен рецензент магистрлік диссертацияны (жобаны) қорғауға қатысуға міндетті. Егер ғылыми жетекшілер мен рецензенттердің қатысуы мүмкін болмаса, шығарушы кафедра Техникалық қамтамасыз ету бөлімінің көмегімен бейне-конференция түрінде олардың онлайн режимінде қатысуын ұйымдастыруы керек, ал егер ғылыми жетекшілер мен рецензенттер дәлелді себептермен болмаса, онда кафедра меңгерушісі пікірлерді оқиды. 209. Егер магистрлік диссертация (жоба) мемлекеттік тілде ұсынылса, онда магистранттың өтініші бойынша отырысқа қатысушы АК мүшелерінің және рецензент кемінде үштен екісінің келісімімен қорғау магистрлік диссертация (жоба) жазылған тілде жүргізілуі мүмкін. Бұл жағдайда шығарушы кафедра аударманы қамтамасыз етеді. 210. Бір магистрлік диссертацияны (жобаны) қорғау ұзақтығы 40 минуттан аспауы тиіс. 211. АК төрағасы магистрлік диссертацияны (жобаны) қорғау туралы хабарлайды, тақырыпты, ғылыми жетекшінің және рецензенттің тегін атайды, құжаттардың бар екендігі және олардың белгіленген талаптарға сәйкестігі туралы баяндайды. 212. Магистрант 15 минуттан аспайтын баяндама жасайды, онда зерттеудің мақсаты мен міндеттерін қысқаша және нақты сипаттайды, магистрлік диссертацияның (жобаның) негізгі ережелерін баяндайды, дайындалған үлестірме, графикалық, презентациялық материалға сілтеме жасай отырып, тұжырымдар мен ұсыныстарды негізді түрде дәлелдейді. 213. Осыдан кейін ғылыми пікірталас басталады. АК мүшелері магистрантқа магистрлік диссертацияда (жобада), зерттеу әдістерінде туындаған мәселелер бойынша сұрақтар қояды, эксперименттік жұмыстың нәтижелері мен рәсімдерін нақтылайды және т.б. 214. Магистранттың жауаптарынан кейін АК төрағасы ғылыми жетекшіге және рецензентке сөз береді немесе егер олар дәлелді себептермен болмаса, ғылыми жетекші мен рецензенттің пікірлерін оқиды. 215. Пікірлер оқылғаннан кейін магистрантқа шолулардағы ескертулерге жауап беру үшін сөз беріледі. 216. Магистрлік диссертацияны (жобаны) бағалау кезінде мыналар ескеріледі: 1) Тақырыптың өзектілігі; 2) Алынған нәтижелердің жаңалығы; 3) Жұмыста жаңа технологияларды қолдану; 4) Әдеби шолудың толықтығы және пайдаланылған дереккөздердің қазіргі заманы; 5) Ресімдеудің қойылатын талаптарына сәйкестігі; 6) Магистрлік диссертацияны (жобаны) қорғаудағы баяндаманың сапасы (айқындық, сауаттылық, кәсіби терминдерді қолдана білу, демонстрациялық материалдың сапасы және т.б.); 7) Қорғау кезінде қойылған сұрақтарға және рецензенттің ескертулеріне жауаптардың дұрыстығы мен толықтығы. 217. Диссертациялық жұмысты қорғауды бағалау туралы, сондай-ақ «магистр» дәрежесін беру туралы шешімді АК отырысқа қатысқан комиссия мүшелерінің жай көпшілік даусымен ашық дауыс беру арқылы қабылдайды. 218. Әр магистрантқа АК хатшысы белгіленген нысан бойынша хаттамаларды толтырады. 219. Хаттамаларға отырысқа қатысқан АК төрағасы мен мүшелері қол қояды. 220. Магистрлік диссертацияны (жобаны) қорғау нәтижелері олар өткізілген күні жарияланады. 221. Магистрлік диссертацияны (жобаны) көпшілік алдында қорғаған магистрантқа тиісті білім беру бағдарламасы бойынша «магистр» дәрежесі беріледі және қосымшасы (транскрипті) бар өз үлгісіндегі жоғары оқу орнынан кейінгі білім туралы диплом беріледі. 222. Табысты қорғаудан кейін шығарушы кафедра университет мұрағатына магистрлік диссертацияны (жобаны), ғылыми жетекшінің және рецензенттің магистрлік диссертацияға (жобаға) пікірлерін, ғылыми еңбектер тізімін, магистрлік диссертацияны (жобаны) қорғау және «магистр» дәрежесін беру хаттамаларын береді. жүктеу/скачать 490,17 Kb. Достарыңызбен бөлісу:
|