Метаталамус(metathаlатиs) оның құрамына латералды және медиалды иінді денелер кіреді.Латералды иінді дене (corpus geniculatum laterale) таламус жастығының артында латералды орналасады, медиалды иінді дене (corpus geniculatum mediale) таламус жастығының астында орналасады. Әрбір иінді денеде иінді денелердің ядролары болады. Медиалды иінді дене жасушаларының ядроларында ілмегі талшықтарының бір бөлігі аяқталады, ал лателарында иінді дене жасушаларының ядроларында көру жолы талшықтарының бір бөлігі аяқталады.
Эпиталамус (epithаlаmus) таламустың үстінде орналасқан бірнеше түзілістерден тұрады. Оған таламустың жоғарғы және медиалды беттерін бөліп тұратын ми жолақтары (striae medullares)жатады. Бұл жолақтар кеңейіп артқа қарай бағытталып (trіgопит habenulare) жүгендік үшбұрышты түзеді. Оң және сол жақты жүгендері (habenula dextra et habenula sinistra) бір-бірімен өзара (соттissura habenularит) арқылы байланысқан. Әрбір жүген қарама-қарсы жақтың жүгенімен бірге ми табақшасына өтеді, ол томпақ денелі безбен (glandula pinealis) қосылады. Томпақ дене безінің негізінен ортаңғы ми жамылғысының жоғарғы төмпешіктеріне ми табақшасы өтеді,оның иілген жерінде эпиталамус дәнекері (соттissura epithаlаmica) орналасады.
