64. Құрғақ қоспалар дегеніміз не? Құрғақ қоспалар құрамдары. Құрылысқа арналған құрғақ қоспалар құм мен цемент қоспасы болып табылады. Цемент, гипс, әк, пластификаторлар, шөгуге қарсы компоненттер, баяулатқыштар немесе орнатылған үдеткіштер жатады. Құрылыстық қоспалар ылғалдылықтан қорғалған, кем дегенде 5 ° C температура кезінде сақталуы керек, сондықтан суық бөлмеде қыстайтын жерлерге қарсы тұру керек. Буып-түю қоспаларының негізіндегі оралған қоспалардың кепілдік мерзімі - 12 ай, гипс қоспалары аз сақталады - 6 ай.
65. Ағаштың ылғалдылығы. Ағаш кептіру технологиясы. Ылғалдылық – ағаштың бойындағы сол сәттегі ылғал мөлшері. Ағаш ылғалдығының 3 түрі болады: ұсақтамырлық (копилярлық), сусорғыштық және химиялық байланыстағы. Ылғалдылық дәрежесіне қарай ағаштар: суағаш, жаңа кесілген (ылғалдығы 33% және одан жоғары), ауалық құрғақ (15 -20 %) бөлмелі құрғақ (8-12%) және мүлде құрғақ лаборатория 100-105º-та кептірілген. Шартты ылғалдылық - 12%. Құрылыста ылғалдылығы 15-20 % ағаштарды пайдалануға рұқсат етіледі.
Кептіру – ағаш бұйымдары мен конструкцияларының қызмет мерзімін ұзарту мен сапасын арттырудың негізгі шараларының бірі.
Кептіру табиғи және жасанды болады. Табиғи кептіру ашық аспан астында, немесе іші құрғақ жабық үй ішінде іске асады. Кептірудің бұл түрі көп уақыт қажет етеді; апта, кейде айлар өтеді. Жасанды кептіру -кептіру камераларында ыстық ауа, газ, бу немесе жиілігі жоғары тоқ күшімен жүргізіледі. Жасанды кептірудің ең көп таралған түрі камераларда кептіру. Камералар бітеу жабылады, оның ішінде температураны реттеуге, ағаштан шыққан ылғалды аластауға мүмкіндік береді.
66. Макро және микроқұрылымдары деңгейінде ағаштың құрылымы. Ағаштың макроскопиялық құрылымын зерттегенде кейбір ағаш тұқымдарының өңі ашық, тегіс боялған болып келсе, кейбірінде ортаңғы бөлігі сыртына қарағанда қаралау болады. Ортаңғы күңгірт бөлігі – ядро, сыртқы ашық бөлігі – шел қабық деп аталады. Макро құрылымдарға ағаштың жылдық қабаты, өзек сәулелері, түтікшелер жатады. Микроқұрылымдарыға сүректің, өзектің, қабатының түбіндегі микрожасушалар кіреді.
