Сөйлеу мәнді етістіктердің пысықтауыш қызметінде жұмсалуы

Сөйлемнің тұрлаусыз мүшесінің бірі - пысықтауыш. Пысықтауыш етістіктен болған мүшені анықтайды. “Тұрлаусыз мүшенің бірі болып табылатын пысықтауыш сөйлемде, негізінен, етістік болған мүшеге қатысты болып, сол мүшені мекен, мезгіл, мақсаты, орындалу амалы жағынан нақтылап, анықтап тұрады”[48 ,172].

Сөйлеу мәнді етістіктер пысықтауыш тұлға құруға қатысады. Пысықтауыш қызметінде дегенде, дегелі, десе, демей, айтпай, айтқалы, сөйлегелі, сөйлегенде т.б. тұлғаларында қатысады.