Казіргі заманғы Қазақстанның рухани жаңғыру бағдарламасы

қосылу  еді.  Аталған  екі  жаңғыру  процесінің  де  нақты  мақсат-міндеттері, 
басымдықтары  мен  оған  жеткізетін  жолдары  айқындалған.  Көзделген  жұмыс-
тардың бәрі дер уақытында және барынша тиімді жүзеге асарына сенім болды. 
Мақсатқа  жету  үшін  халық  санасы  ісімізден  озып  жүруі,  яғни  одан  бұрын 
жаңғырып  отыруы  тиіс.  Бұл  саяси  және  экономикалық  жаңғыруларды 
толықтырып  қана  қоймай,  олардың  өзегіне  айналады.  Яғни,  Елбасы  ойынша 
ендігі  барша  отандастар  алдындағы  жауапты  міндет  рухани  жаңғыру  және  ол 
мәңгі іс. 
 Тәуелсіздік  кезеңінде  бұл  бағытта бірнеше  ауқымды  іс  атқарылды. 2004 
жылы «Мәдени мұра-Культурное наследие» бағдарламасы аясында Қазақстан 
аумағындағы тарихи-мәдени ескерткіштер мен нысандары жаңғыртылды. 2013 
жылы «Халық – тарих толқынында» бағдарламасы арқылы әлемнің ең белді 
мұрағаттарынан  төл  тарихымызға  қатысты  құжаттар  жүйелі  түрде  жиналып, 
зерттелді. Енді осының бәрінен де ауқымды және іргелі жұмыстарды тұрды, ол 
еліміз мықты, әрі жауапкершілігі жоғары Біртұтас Ұлт болу үшін болашаққа қа-
лай  қадам  басатынымыз  және  бұқаралық  сананы  қалай  өзгертетініміз  туралы 
аса өзекті міндеттер тұрды. Бұл орайда Президент екі міндетке ой бұрып оның 
біріншісі ХХІ ҒАСЫРДАҒЫ ҰЛТТЫҚ САНА ТУРАЛЫ айтқан.  
Күллі  жер  жүзі  біздің  көз  алдымызда  өзгеруде.  Әлемде  бағыты  әлі 
бұлыңғыр,  жаңа  тарихи  кезең  басталды.  Күн  санап  өзгеріп  жатқан  дүбірлі 
дүниеде  сана-сезіміміз  бен  дүниетанымымызға  әбден  сіңіп  қалған  таптаурын 
қағидалардан  арылмасақ,  көш  басындағы  елдермен  тереземізді  теңеп,  иық 
түйістіру мүмкін емес. Өзгеру үшін өзімізді мықтап қолға алып, заман ағымына 
икемделу  арқылы  жаңа  дәуірдің  жағымды  жақтарын  бойға  сіңіру  кезек 
күттірмейтін мәселе екені аталды.    
  ХХ ғасырдағы батыстық жаңғыру үлгісінің бүгінгі заманның болмысына 
сай  келмеуінің  сыры  неде?  Елбасы  ойынша,  басты  кемшілігі  –  олардың 
өздеріне ғана тән қалыбы мен тәжірибесін басқа халықтар мен өркениеттердің 
ерекшеліктерін  ескермей,  бәріне  жаппай  еріксіз  таңуында.  Әжептәуір 
жаңғырған  қоғамның  өзінің  тамыры  тарихының  тереңінен  бастау  алатын 
рухани коды болады. Жаңа тұрпатты жаңғырудың ең басты шарты – сол ұлттық 
кодыңды  сақтай  білу.  Онсыз  жаңғыру  дегеніңіздің  құр  жаңғырыққа  айналуы 
оп-оңай.     Бірақ,  ұлттық  кодымды  сақтаймын  деп  бойыңдағы  жақсы  мен 
жаманның бәрін, яғни болашаққа сенімді нығайтып, алға бастайтын қасиеттерді 
де, кежегесі кері тартып тұратын, аяқтан шалатын әдеттерді де ұлттық сананың 
аясында сүрлеп қоюға болмайтыны айдан анық.   Жаңғыру атаулы бұрынғыдай 
тарихи  тәжірибе  мен  ұлттық  дәстүрлерге  шекеден  қарамауға  тиіс.  Керісінше, 

замана  сынынан  сүрінбей  өткен  озық   дәстүрлерді  табысты  жаңғырудың 
маңызды алғышарттарына айналдыра білу қажет. Егер жаңғыру елдің ұлттық-
рухани тамырынан нәр ала алмаса, ол адасуға бастайды.  
Сонымен  бірге,  Н.Ә.Назарбаевтың  тұжырымынша  рухани  жаңғыру 
ұлттық  сананың  түрлі  бөліктерін  қиыннан  қиыстырып,  жарастыра  алатын 
құдіретімен маңызды. Бұл – тарлан тарихтың, жасампаз бүгінгі күн мен жарқын 
болашақтың  көкжиектерін  үйлесімді  сабақтастыратын  ұлт  жадының  тұғыр-
намасы.  Түп  тамыры түрік өркениетінен нәр алған қазақтардың тағылымы мол 
тарихы  мен   ықылым  заманнан  арқауы  үзілмеген  ұлттық  салт-дәстүрлерін 
алдағы  өркендеудің  берік  діңі  ете  отырып,  әрбір  қадамын  нық  басуын, 
болашаққа сеніммен бет алатыны әбден аян.   Бұл ретте, тұтас қоғамның және 
әрбір  қазақстандықтың  санасын  жаңғыртудың  бірнеше  бағыттары  көрсетілген 
сол мақалада. Олар: 
-Бәсекелік қабілет. Қазіргі таңда жеке адам ғана емес, тұтас халықтың өзі 
бәсекелік  қабілетін  арттырса  ғана  табысқа  жетуге  мүмкіндік  алады.  Бәсекелік 
қабілет  дегеніміз  –  ұлттың  аймақтық  немесе  жаһандық  нарықта  бағасы,  я 
болмаса  сапасы  жөнінен  өзгелерден  ұтымды  дүние  ұсына  алуы.  Бұл 
материалдық  өнім  ғана  емес,  сонымен  бірге,  білім,  қызмет,  зияткерлік  өнім 
немесе  сапалы  еңбек  ресурстары  болуы  мүмкін.  Болашақта  ұлттың  табысты 
болуы  оның  табиғи  байлығымен  емес,  адамдарының  бәсекелік  қабілетімен 
айқындалады.  Сондықтан,  әрбір  қазақстандық,  сол  арқылы  тұтас  ұлт  ХХІ 
ғасырға  лайықты  қасиеттерге  ие  болуы  керек.  Мысалы,   компьютерлік 
сауаттылық,  шет  тілдерін  білу,  мәдени  ашықтық  сияқты  факторлар  әркімнің 
алға басуына сөзсіз қажетті алғышарттардың санатында. Сол себепті, «Цифрлы 
Қазақстан», «Үш  тілде  білім беру», «Мәдени және конфессияаралық  келісім» 
сияқты  бағдарламалар  –  ұлтымызды,  яғни  барша  қазақстандықтарды  ХХІ 
ғасырдың талаптарына даярлаудың қамы. 
 -  Прагматизм.  Қазақ  қанына  сіңген  көптеген  дағдылар  мен  таптаурын 
болған қасаң қағидаларды өзгертпейінше, ұлтымыздың толыққанды жаңғыруы 
мүмкін  емес.  Төл  тарихымызға,  бабаларымыздың  өмір  салтына  бір  сәт  үңіліп 
көрсек,  шынайы  прагматизмнің  талай  жарқын  үлгілерін  табуға  болады. 
Халқымыз  ғасырлар  бойы  туған  жердің  табиғатын  көздің  қарашығындай 
сақтап,  оның  байлығын  үнемді,  әрі  орынды  жұмсайтын  теңдесі  жоқ 
экологиялық  өмір  салтын  ұстанып  келеді.  Тек  өткен  ғасырдың  ортасында, 
небәрі  бірнеше  жыл  ішінде  миллиондаған  гектар  даламыз  технологиялық 
жобалардан  өрескел  аластау  нәтижесінде  аяусыз  бұзылды.  Ықылым 

замандардан  бері  ұрпақтан  ұрпаққа  жалғасып  келген  ұлттық  прагматизм 
санаулы жылда адам танымастай өзгеріп, ас та төк ысырапшылдыққа ұласты.  
Соның  кесірінен,  Жер-Ана  жаратылғаннан  бері  шөбінің  басы 
тұлпарлардың  тұяғымен  ғана  тапталған  даланың  барлық  құнары  құрдымға 
кетті.  Түгін  тартсаң  майы  шығатын  мыңдаған  гектар  миялы  жерлеріміз 
экологиялық  апат  аймақтарына,  Арал  теңізі  аңқасы  кепкен  қу  медиен  шөлге 
айналды. Осының бәрі – жерге аса немқұрайлы қараудың ащы мысалы. Әлбетте 
жаңғыру  жолында  бабалардан  мирас  болып,  қанымызға  сіңген,  бүгінде 
тамырымызда  бүлкілдеп  жатқан  ізгі  қасиеттерді  жедел  қайта  түлету  қажет.     
Прагматизм  –  өзіңнің  ұлттық  және  жеке  байлығыңды  нақты  білу,  оны  үнемді 
пайдаланып,  соған  сәйкес  болашағыңды  жоспарлай  алу,  ысырапшылдық  пен 
астамшылыққа,  даңғойлық  пен  кердеңдікке  жол  бермеу  тағдырлы  міндет  тұр. 
Қазіргі  қоғамда  шынайы  мәдениеттің  белгісі  –  орынсыз  сән-салтанат  емес.                    

жүктеу/скачать 2,03 Mb.

Достарыңызбен бөлісу: