1.Меншік экономикалық, құқықтық және тарихи категория ретінде, оның мазмұны және түрлері. Қазақстанда меншік қатынастарын реттеу.Меншік - өндірістер, ресурстар, өндірілген материалдар және рухани игіліктердің жағдайларын меншіктеу қатынасын білдіреді.Меншік заңды және экономикалық категория болып табылады. «Меншік» термині екі мағынада қолданылады:а) құқық мағынасындағы меншік немесе заң жүзінде, құқық бойынша;ә) экономикалық мағынадағы меншік немесе іс жүзінде, нақты;Меншікті заңды тұрғыдан қарастырғанда ол формальды және нақты құқықпен байланысты. Формальды құқық немесе меншік титулы - ресми, заңды түрде рәсімдеу және меншікті мойындау. Нақты құқық- шаруашылықпен айналысатын субъектілердің өзара іс-әрекеттерімен, барлық шектеулерімен болатын шын мәнінде нақты өмірде бар қатынастарды білдіреді.Қазақстан Республикасының Азаматтық кодексінде меншікке қатысты мынадай ұғымдар айтылады:Иемдену - заңға негізделіп, өз шаруашылығында нақты бір мүлікке ие болу мүмкіндігі;Пайдалану - берілген мүлікті заңға негізделіп тұтыну мүмкіндігі; Басқару - заңға негізделіп, мүліктің тағдырын анықтау мүмкіндігі. Меншік қатынастары меншік объектілерін иемдену жөнінде меншіксубъектілерінің арасында қалыптасып отырады. Мемлекеттік меншікте меншік субъектісі мемлекет болып табылады. Басқару мен билеуді мемлекеттік билік органдары жүзеге асырады. Мемлекеттік меншіктің ең басты ерекшелігі оның бөлінбестігі.
