Мақсаты: транзиторлық микрофлораны кетіру немесе жою. Науқасқа және медициналық қызметкерлерге жұқпалық қауіпсіздікті қамтамасыз ету.
Көрсеткіштері:иньекция, операция, катетерлеу жасар алдында.
Қарсы көрсеткіштері:қолда және денеде іріндердің, теріде сызаттың және жарақаттың, тері ауруларының болуы.
Құрал-жабдықтар:тері антисептик немесе 70% этил спитр, залалсыздандырылған мақта шариктері, қалдықтарды қауіпсіз жинауға және кәдеге жаратуға арналған контейнер (ҚЖКЖК)
Іс-әрекет алгоритмі:
Қолыңызға гигиеналық деңгейде тазарту жүргізіңіз (стандартты қара).
Қолыңызды спиртпен ылғалдандырылған мақта шариктерімен тазартыңыз: тырнақ ұясын, тырнақ жастықшаларын айналмалы қозғалыспен, саусақтардың ішкі беттерін жоғарыдан төмен қарай қимылмен, сосын қолдың алақан бөлігін.
Қолданылған мақта шариктерін ҚЖКЖК-ға салыңыз.
Залалсыздандырылған қолғапты кию
Мақсаты: науқастың және медициналық қызметкердің жұқпалы қауіпсіздігін қамтамасыз ету.
Науқастармен немесе олардың бөліністерімен жанасқанда қолғап кәсіптік жұқтырудың қауіп-қатерін төмендетеді.
Қолғап транзиторлы қоздырғыштармен қызметкерлердің қолының ластану қауіп-қатерін және кейіннен олардың науқастарға таралуын төмендетеді.
Қолғап медицина қызметкерлерінің қолының резиденттік флорасының бір бөлігі болып табылатын микробтарды науқастарға жұқтыру қауіп-қатерін төмендетеді.
Көрсеткіштері: инвазивті емшараларды орындағанда, кез келген биологиялық сұйықтықтармен жанасқанда, науқастың және медициналық қызметкерлердің терісінің бүтіндігі бұзылғанда, эндоскопиялық зерттеулер және манипуляциялар кезінде, клинико-диагностикалық, бактериологиялық зертханаларда науқастардан алынған материалдармен жұмыс істегенде, инъекциялар жасағанда, науқасты күту кезінде.
