Жұмыстың хронологиялық шеңбері. Дипломдық жұмыста шетелдегі қазақтардың ХVІІІ ғасырдан бастап ХХІ ғасырдың бас кезіне дейінгі көші-қоның тарихи-этнологиялық аспектіде қарастырамыз. Қазақтардың шетелдегі бүгінгі жай күйіне байланысты тарихи Отанға оралуы және бейімделу мәселелері зерттеледі.
Жұмыстың теориялық және методологиялық негіздерін теориялық және практикалық тәсілдер мен қабысатын қазіргі заманғы кешенді зерттеу әдістері құрайды. Аталған жұмысты орындауда тарих ғылымының мынадай жалпы теориялық принциптері басшылыққа алынды: қажетті деректерді табу және оларға сипаттама берудегі тарихи таным, оқиғалар мен жағдайларды зерттеуде тарихи обьективтік нақтылық, танымдағы жан-жақтылық және «диаспора», «ирредент», «этномәдени үдерістер» т.б. теорияларында көтерілген концептуалдық мәселелер өткен және қазіргі кезеңдегі байланыстық мағына дәрежесінде пайдаланылды. Еңбекте анализ, синтез, тарихи жүйелілік, тарихи-салыстыру, хронологиялық және басқа да әмбебаптық жалпыға мәлім зерттеу әдістемелері қолданылды. Осыған байланысты шетелдегі қазақтардың этномәдени үрдістері мен үдерістеріндегі бағыттар республика аралық көлемде салыстырылып, жүйеленді.
