Ерғалиев Қуаныш Советұлы Асанбаева Елдана Бақытқызы газет тақырыпаттарының прагматикалық Қызметі
жүктеу/скачать 1,99 Mb. Pdf көрінісі
|
| Қос
нүкте . Қос нүкте күрделі публицистикалық тақырыпаттарда көп кездеседі. 1) Мақала атауының бірінші бөлімінде жағдайға жалпы баға берілсе, екіншісі оның мағынасын түсіндіріп, тереңірек ашады: « Қазақстан – АҚШ: ынтымақтастық дамып келедi » (ЕҚ. – 30.03.1995), « Конституция: екi жыл өткен соң... » (З-Қ. – 29.08.1997), « Кедендiк одақ: алыс-берiс, барыс-келiстiң кешендi кеңiстiгi » (ЕҚ. – 15.01.2010), « Желтоқсан – 1986 : Жиырма жыл өткен соң » (Айғ. – 20.12.2006). 2) Екінші сөйлемде алғашқыда баяндалған оқиғадан туындаған сұрақ қойылуы мүмкін: « Сыбайлас жемқорлық: кiмдермен күресемiз? » (Ақ. – 1999. №7), « БАҚ: қаржы дағдарысы қалам ұшында қалай сөйлейдi? » (Ақ. – 2009. №1), « Азаматтық неке: махаббат па, әлде алдамшылық па? » (ЕҚ. – 19.07.2010). Көп нүкте . Мақала атауындағы аяқталмаған ой – оқырман назарын аударып, қызығушылығын арттыруға септігін тигізетін тәсіл. 99 1) Публицистикалық тақырыпаттың соңында қолданылған көп нүкте, әдетте, ойдың аяқталмағандығын немесе автордың оқырман қызығушылығын ояту үшін әдейі толық айтпай отырғандығын білдіреді: « Астана – әсем қала, бiрақ... » (ЖА. – 07.10.2010), « Уақыт жүгін арқалап... » (СС. – 23.11.1996), « Ет өнімдері өтімді болсын десек... » (СС. – 16.02.2010), « Шәкірттері шың асқан.. .» (СС. – 21.11.2009). 2) Көп нүкте публицистикалық тақырыпаттың ортасында да кездесуі мүмкін. Әдетте, мұндай мақала атауларында тосын қолданыс орын алады, яки тақырыпаттың бірінші бөлімінен екінші бөлімге ауысу дереу әрі алғаш қарағанда үйлесімсіз болып көрінеді: « Диктаторлардың... кiшкенелерi де бола ма? » (З-Қ. – 15.09.1999). 3) Егер тілші барлық мақаланы жазғаннан кейінгі қорытындысын тақырыпатқа басып шығаратын болса, оның алдында көп нүкте қойылады: « ...Сөйтiп, дәстүр бұзылды » (З-Қ. – 05.06.1998). жүктеу/скачать 1,99 Mb. Достарыңызбен бөлісу:
|