ӘОЖ 001 (063) МЕКТЕПТЕГІ МЕДИАБІЛІМ Б.К. Сердәлі - Қожа Ахмет Ясауи ат. ХҚТУ, ф.ғ.д., доцент Мақалада жалпы орта мектепте оқытылуы мүмкін «Мектептегі журналистика» пәнінің типтік
бағдарламасына, жазуға икемі бар талапты балалар үшін қажетті материалдар жиынтығына (нұсқаулар,
кеңестер, жоспарлар, мазмұндамалар, лекциялар, оқу материалдары т.б.), осы бағдарламаны білім беру
мекемелерінде іске асыру үшін оқушылардың әлеуметтік және шығармашылық деңгейін оңтайландыруға
мүмкіндік беретін, олардың медия-мәдениетін қалыптастырып, кәсіп таңдау ізденістеріндегі белсенділіктерін
реттейтін әдістемелік тәсілдер қарастырылады. Сондай-ақ, мақалада сабақтан тыс уақытта балалардың дамып-
жетілуіне себепші болатын бағдарламалар сериясына арналған «Мектептегі журналистика» пәнінің өзектілігі
сөз болады. Білім беру мекемелерінің шешімдеріне байланысты жүзеге асатын, жеке тұлғаны әлеуметтік
шығармашылық дамытуға, кәсіптік бағдар беруге, әлеуметтендіруге және балалар мен жасөспірімдерді
тұлғалық қалыптастыруға бағытталған міндеттер көрініс табады. Мұндай пәндер жастар мен қоғамның ересек
мүшелері арасындағы қарым-қатынастардың үзілген бір үзігін жалғап, заманауи білім беруді көздейтіні
айтылады.
