БҮРКІТ – тау, Катонқарағай а.о. Бүркіт ұя салғандықтан осылай
аталған атау. М.:Катонқарағайға кірер жолда орналасқан [146].
БҮРКІТ – шың, Белқарағай а.о. Бүркіттің ұясы бар биік шың.
М.1. Бүркіттер сол жерде ұя салған. Аңшылар сол жерде таутекені атып алады [134]. М.2. Бүркіт – «...Кеуде. Алтайдың екінші биігі – Бүркіттің етегінде жатыр»[41,343б.]. М.3. Аман бол, қыран мекен – Бүркіт шыңы, Қатынсу, Бұқтырмадай басты өзені, «Баянда» өткен күндер есте мәңгі – мөлдір су, жұпар ауа – жақсы еді емі [25,370б..].
М.4. Сіз бар ғой, Сіз Алтайдың Мұзтаудан кейінгі биік шыңы, алайда «ағасынан» әлдеқайда зәрлі, әлдеқайда әщады – Бүркіттінің басына зәуімен шыға қалсаңыз (оның тақиялығында тапырақтауды ажалды пенденің табанына жазбапты) – бүткіл Сарбұлақ, Қоңқай, Маятекше, Қырыққұдық сілемдері көз алдыңыздан бар болмысымен, бар шырай- келбетімен жарқырай ашылар; жарықтық табиғат-ананың әсем тостағының сыры кетсе де сыны кетпейтініне тағы бір мәрте көзіңіз жетер [40,105 б.]. М.5. Бүркіттің бүйірін тесіп шығатын Бүркіт өзенінде де биіктің мінезі бар: ертеңгісін көк күмбезін жарып ұшқан реактив самолеттей азынайды кеп, сәскеде тым-тырс үні шықпай қалады, кешкілік құмығып алыстан жеткен сарыны тәттімбеттің «Көкей кестісіндей» көкірегіңе сан қилы мұң ұялатады[170,456 б.]. М.6: Сол шыңның үсті бір киіз үйдің орнындай ғана. Төбесінен қарағанда құс, жануарларды көріп отыруға болады [103].
БҮРКІТ ҰЯ – жайлау, Өрел а.о. Бүркіттің ұя салуына байланысты
қойылған атау. М.:Таудың артында Шағыл тас бар, сол жерге Бүркіт ұя салғаннан кейін солай аталып кеткен [154].
БҮРКІТ ҰЯСЫ – құз, Қатонқарағай а.о. Бүркіт ұя салатын құз
осылай аталған [133].
БҮРКІТАУЫЛ - шың (3370 м), Катонқарағай а.о. Биік, қалың
қатпарлы бүркіт тауы осылай аталған. М.1.Тасшоқы, әрине Бүркітауыл
96
да емес, ол шыңға да арнайы бармасаң, қалың таудың қатпарынан көрінбейді [6, 19б.].
БЫЧИЙ ХВОСТ– қыстау, Новохайрузовка а.о. Жер көлемі бұқаның
құйрығындай жіңішке, келте болғасын қойылған атау болуы мүскін.
М.: Новохайрузовка ауылдық округінің ең соңғы нүктесі [144].
