Ет сығындысының дайындалуы және оның жағыдайын анықтау. Еттің балғындылық дәрежесін анықтау мақсатында биохимиялық талдау (пероксидаза сынама, еттің рН көлемі және т.б.) жүргізу үшін 1:4 немесе 1:10 қатынасында ет сығындысын дайындау қажет. Оны дайындау үшін етті майынан және дәнекер ұлпасынан ажыратады, ұнтақтап жұмыр шыныға салады, сәйкес көлеміне байланысты дистилденген су құяды, 3 рет араластыру арқылы 30 мин ішінде ашытады. Көрсетілген уақыт өткен соң сыңындыны қағаз фильтрмен фильтрлейді және фильтрацияның жылдамдығына, түсіне, сүзбенің мөлдірлігіне көңіл аударады.
а) Балғын еттің сүзбесі мөлдір, ақшыл сарғыш түсті, тез фильтрленеді;
б) Күмәнді балғын еттің сүзбесі бұлдыр, фильтрациясы ақырын;
в) Егер ет балғын болмаса сүзбесі бұлдыр, өте ақырын фильтрленеді.
Пероксидазға реакция (Бензидинді сынама) Ет құрамында пероксидаза ферменті бар. Пероксидаза жоғары температураға тұрақсыз келеді, ол тек катализатор ретінде затты анықтау үшін әсер етеді. Пероксидаза сутек тотығынан оттекті бөліп алу қасиетіне ие. Пероксидаза сынамасының маңыздылығы пероксидаза ферментінің болмауынан сутек тотығы бензидинді тотықтырады және көк-жасыл түстің қосылуы пайда болады. Реакцияны көк-жасыл түсі болса, кейін қоңырлау болса оң, қалыпты деп есептейді. Ауру малдың етінің сығындысының түсі өзгермейді немесе бірден қоңыр-қошқыл түске боялады.
