БОПАЙҰЛЫ Болат (1.1.1960 жт., ҚХР, Алтай аймағы, Көктоғай ауд.) - ақын, сыншы. Іле
пед. ун-тін (1986). ҚазҰПУ-дың аспирантурасын (1998) бітірген. Үрімжі қ-нда мектепте
мұғалім. "Шыңжаң жастар-өрендер баспасында" редактор қызметін атқарған.
БОРАНБАЕВ Қабыл (15.7.1915, Павлодар обл. Баянауыл ауд. -9.3.1978. Қарағанды обл.
Ульянов ауд. Жаңақала а.) - ақын, аудармашы. 2-дүниежүз. соғысқа қатысқан. Петропавл пед.
техникумын (1936). ҚазҰПУ-ды (1946) бітірген. 1936-43 ж. Қарағанды обл-нда. Балқаш қ-нда
мектеп мұғалімі, директоры.Түркістан пед. уч-щесінде директордың орынбасары, 1946 - 52 ж.
КазТАГ-та редактор, "Пионер" (қазіргі "Ақ желкен") журналында редактордың орынбасары
қызметтерін атқарған. Алғашқы өлеңдер жинағы "Дәурен" 1949 ж. жарық көрген. "Балалар
шаттығы" (1949), "Ант" (1950). "Дос отряд" (1955), "Тапқыр бала" (1971), "Дән дария"
(1977). т.б. жыр кітаптары бар. Орыс ақындары Б.Н. Некрасовтың, В.В. Маяковскийдің, К.М.
Симоновтың, т.б. шығармаларын қазақ тіліне аударған.
