Фишбоун - Fishboun балық сүйегі (білім діңгегі) әдісімен сабақ өткізу барысында әрбір топқа жеке-жеке талқылау тапсырылады. Топ мүшелері балық қаңқасының суретін салады. Мұнда берілген тақырып балықтың бас сүйегіне жазылады. Жоғарғы бөліктегі балықтың әр қабырғасына тақырыпқа байланысты сұрақтар, ал төменгі қабырғаларына өз тұсындағы сұрақтың жауабын жазады. Түйген ой қорытындыларын балықтың құйрығына жазады. Мысалы, бұл әдіс арқылы бүгінгі өткен материал толығымен аяқталып, сабақ мақсатына жетеді. Балықтың құйрығына жазылған ой-тұжырымдарды баяндау үшін спикер тағайындалып, пікірін білдіреді (сурет 10).
Сурет – 10 Фишбоун - Fishboun балық сүйегі (білім діңгегі) әдісімен сабақ өткізу барысы
Студенттердің тез қимылдауды, негізгісін анықтай білуді, көпшілік алдында сөйлей алу дағдысы, коммуникативті дағдылар, алынған мәліметтерді талдау дағдысы қалыптасады және теориялық білімдегі кемшіліктерді анықтауға мүмкіндік береді. Сабақ соңында теориялық білім мен тәжірибелік дағдыларының сызықты жүйесі шығарылады [140, б. 30].
