Жатыр, ішкі мықын артерияларының тармақтарымен жұп, жатыр артерияларымен қанмен қамтамасызданады.
Веналық ағым жатыр веналарымен тік ішек веналық өрімге, анабез бен ішкі мықын веналарына құяды. Лимфалық ағым, ішкі мықын, шап және сегізкөз лимфа түйіндері арқылы жүзеге асады. Жатыр, төменгі құрсақасты өрімінен ішкі ағзалық жамбас нервтерімен нервтеледі.
ЖАТЫРТҮТІГІ ҚҰРЫЛЫСЫ, ҚАНМЕН ҚАМТАМАСЫЗДАНУЫ, НЕРВТЕНУІ
ЖАТЫР ТҮТІГІ (tuba uterina), ұрық жасушаларын іш қуысынан жатырға өткізуші жұп ағза. Ол кіші жамбас қуысында орналасып анабезді жатырмен байланыстыратын сопақша
келген түтік. Жатыр түтігі, жатырдың жалпақ байламының жоғарғы бөлімінің іші арқылы өтеді.
Жатыр түтігінің ұзындығы 13 см-ге дейін, ал ішкі саңылауының көлемі 3 мм шамасында. Жатыр түтігінің жатырға ашылатын тесігі жатырлық (ostium uretinum tubae), ал іш қуысына іштік (ostium abdominalе tubae) деп аталады. Осы тесіктің арқасында әйелдердің іш қуысы сыртқы ортамен қатынасады. Жатыр түтігінің келесі бөліктерін ажыратады:
Жатырлық бөлік (pars uterinae)
Түтіктің жатырлық бөлігі жатыр қабырғасының ішінде орналасқан, ал қылта жатыр түтігінің өте тар және қалыңқабырғалы бөлігі.
Жатыр түтігінің шашақтары өздерінің қимылдарымен ұрықтық жасушаны құйғышқа бағыттайды, әрі қарай құйғыштың саңылауы арқылы жатыр түтігіне өтеді.
Жатыр түтігінің қабырғасының құрылысы:
Ішкі қабығы, бойлық түтіктік қатпарлар түзетін шырышты қабық. Жатыр түтігі іштік тесікке жақындаған сайын оның шырышты қабығы қалыңдайды, қатпарлар саны көбейеді. Шырышты қабық өне бойында кірпікті эпителиймен жабылған. Келесі, бұлшықеттік қабық, екі қабаттан құралған: сыртқы – бойлық, ішкі – дөңгелек.
Жатыр түтігінің бұлшықеті тікелей жатыр бұлшықетіне жалғасады. Сыртқы қабығы, сірлі қабық, ол сірліастылық негізде орналасқан.
