Қажетті құрал-жабдықтар реактивтер

Сыйымдылығы 150-200 мл болатын конусты колба, сыйымдылығы 10 және 20 мл болатын пипеткалар, 20-50 мл бюреткалар.

Пастерленген сүт, фенолфталеин ерітіндісіне арналған тамшылатқыш. 0,1 н натрий гидрооксиді, 1 % - тік фенолфталеин ерітіндісі.

Біздің елімізде сүт титренетін қышқылдылығы градусты Тернер (Тº) өлщем бірлігімен анықталады. Тернер градусы 100 мл суда ерітілген сүтті нейтралдауға жұмсалатын 0,1 н натрий гидрооксидін куб сантиметрлі санын көрсетеді.

Әдіс принциптері. Сүттің қышқылыдылығын анықтау сүт құрамындағы қышқыл тұзы, ақуыздар, еркін қышқылдармен қышқыл қосылыстарды фенолфталеин индикатор қатысында сілті ерітіндісімен нейтралдауға (титрелуге) негізделген.

Анықтаудың реттілігі. Сыйымдылығы 150-200 мл конусты колбаға 10 мл сүт құйып оған 20 мл дистеллденген су қосып 3 тамшы фенолфталеин ерітіндісін тамызады. Қоспаны жақсылап араластырып, 0,1 н натрий гидрооксидімен әлсіз қызыл түс пайда болып 1 мин аралығында жойылып кетпейінше титрейді.

Сүттің қышқылдылығы Тернер градусында есептеу кезінде 10 мл сүтті титрлеуге кеткен сілті ертіндісін 10-ға көбейту арқылы табады.

Екі параллель тәжірбие айырмашылығы 1 Тº аспауы керек. Кей жағдайларда сүт қышқылдылығын анықтау үшін сүтке су қоспай ек сүтті титрлеп анықтайды, бұл жағдайда қышқылдылық шамасы 2 Тº төмендейді.