ТРАВМАТОЛОГИЯЛЫҚ ЖӘНЕ ОРТОПЕДИЯЛЫҚ НАУҚАСТАРДЫ ДИАГНОСТИКАЛЫҚ ТЕКСЕРУ Ауру мен жарақаттанған адамды диагностикалық тексеруден өткізгенде
жоғарыда айтылған әдістер мен амалдарды қолдану, тек қана тереңдетіліп
түсінік беру болып есептеледі. Керек болса, клиникалық тексеру қосымша
лабораториялық, рентгендік, микроскоптық әдіспен толықтандырылады.
Сұрау: Науқас адамды сұрау екі бағытта болу керек:
1. Науқастың шағымын анықтау.
2. Науқастың анамнезін анықтау.
Жарақаттанған адамдарға қоятын сұрақтардың тізімі алдында айтылған.
Ал іштен туа пайда болған кінәраттарды анықтау үшін аурудың қашан
басталып оның әрі қарай қалай дамығанын және ұзақтығын сұрап білген дұрыс.
Науқас адамды сұрастырғанда ерекше көңіл бөлетін жағдай оның
ауруының қашан басталып қалай дамығанын және ауруы тұрақты ма әлде
қозғағанда, не сипағанда пайда болатындығын және сыздап ауыратындығын
анықтау қажет. Тағы да қай жері ауырып, қайда берілетінін анықтау керек.