| жал қасқыр мен арлан тазы теңдес» теңеуін шебер пайдаланған.
Теңеудің заттары – көкжал, арлан, теңеудің образдары – қасқыр мен тазы, теңеудің
белгісі – жан алқымынан ала түсер. Теңеу адамның нақты мінезі мен психологиясына бай-
ланысты ерекшеліктерді жануардың бейнесімен не мінезінің ерекшелігімен салыстыру негі-
зінде туындаған. Нақтырақ айтсақ, қасқыр мен арланның қайраттылығы, өжеттілігі, әрдайым
қарсылысана төтеп бере алуы адам бойындағы қасиетпен теңелген.
5. Ұлдары сойылға жығылып, ботасы өлген інгендей боздаған аналар...
Ботасы өлген кәрі інгендей // Ботасы өлген інгендей боздау – «біреуді жоқтап, ұзақ
дауыстап зорлана жылау». Бұл теңеу жастай ботасы өліп, не одан ұзақ көз жазып қалған
енесі – інгеннің желіні сыздап, өзін сағынып жан-жағынан іздеп, аласұрып, оқтын-оқтын
ұзақ дауыс шығаруына (боздауына) ұқсатудан туған бейнелі теңеу.
Адам бойындағы іс-әрекетті жануар бойындағы іс-әрекетке ассоциативті түрде теңеу
арқылы туындаған теңеу.
Достарыңызбен бөлісу: | 
