Зертханалық сабақтарға арналған әдістемелік нұсқаулар
жүктеу/скачать 1,3 Mb.
|
- Бұл бет үшін навигация:
- - Марганец (IV) оксидiнiң әсерiнен сутек пероксидiнiң каталитикалық ыдырауы
- - Химиялық тепе-теңдiкке заттар концентрациясының әсерi
| 1 және 1* екi пробиркадағы ерiтiндiлердi бөлме температурасында бiр-бiрiне қосып, секундомермен ақ лайдың пайда болған уақытын анықтап кестеге жазыңыз. Термометрмен бөлме температурасын өлшеп кестеге жазып қойындар. Осыдан кейiн реакцияның шартты жылдамдығын есептеңіз.
2 және 2* екi пробирканы бөлме температурасынан 100–200С-қа жоғары жылытылған суы бар стаканға 3–5 минутке орналастырыңдар. Стакандағы судың дәл температурасын кестеге жазыңдар. Әрi қарай тәжiрибенi алдыңғы тәжiрибе сияқты орындап, кестенің графаларын толтырыңыз. 3 және 3* екi пробирканы бөлме температурасынан 30 - 400 С-қа жоғары жылытылған суы бар стаканға 3-5 минутке орналастырыңдар. Стакандағы судың дәл температурасын кестеге жазыңдар. Әрi қарай тәжiрибенi алдыңғы тәжiрибелер сияқты орындап, кестенің графаларын толтырыңыз.
Температураның әсерiнен жылдамдық қалай өзгеретiндiгiн сипаттайтын график сызыңдар, ол үшiн кестедегi нәтижелер бойынша ордината өсiне шартты жылдамдықты, ал абцисса өсiне температураны белгiлеңдер. Температураның реакция жылдамдығына әсерi жөнiнде қорытынды жазыңыз. Жылдамдықтың температуралық коэффициентін есептеңіздер. Тәжiрибе 3 - Марганец (IV) оксидiнiң әсерiнен сутек пероксидiнiң каталитикалық ыдырауы Пробиркаға 6-8 мл 10% Н2О2 ерiтiндiсiн құйыңдар. Кәдiмгi жағдайда ыдырау байқалмайды. Пробиркаға аздап шпательмен марганец (IV) оксидiн салыңдар. Қандай өзгерiстi байқадыңдар ? Пробирканың ауыз жағына шала жанған шырпыны жақындатып көрiндер. Қандай газ бөлiнедi ? Реакция теңдеуiн жазыңдар. Тәжiрибе 4 - Химиялық тепе-теңдiкке заттар концентрациясының әсерi Бұл тәжiрибеде темiр (III) хлоридi мен калий роданидi ерiтiндiлерiнiң арасындағы түсті қайтымды реакция арқылы заттар концентрациясының тепе-теңдiктің ығысу бағытына әсерiн бақылайсыздар. Бiр пробиркаға 4-5 тамшыдай FeСI3 мен КSСN-ң ерiтiндiлерiн құйып араластырыңдар. Реакция нәтижесiнде Ғе(SСN)3 түзiлгендiктен, ерiтiндi қан-қызыл түске боялады: ҒеСI3 + 3КSСN ↔ Ғе(SСN)3 + 3КСI Түзiлген ерiтiндiнi түсі ашық қызылға ауысқанша сумен сұйылтыңдар, сосын төрт пробиркаға бөлiңдер.
Бiрiншi пробиркаға 2 тамшы конц. ҒеСI3, екiншiсiне 2 тамшы конц. КСNS, ал үшiншiсiне КСI-дың бірнеше кристалдарын салындар. Төртiншi пробирканы салыстыру үшiн алып қойындар. Пробиркаларды жақсылап араластырып, әр пробиркадағы ерiтiндi түсiнiң өзгерген реңiн кестеге жазыңдар. Ерітінді түсінің өзгеру реңіне қарап тепе-теңдiктiң ығысу бағытын көрсетiңдер. Байқалған өзгерiстердi Ле-Шателье принципi тұрғысынан түсiндiрiңдер. Осы реакцияның тепе-теңдiк константасының өрнегiн жазыңдар жүктеу/скачать 1,3 Mb. Достарыңызбен бөлісу:
|