Ф 03-03 Жумабеков М. У., Тасполтаева М. Р., Жамелов Б. А. «Мәдениеттану» пәнінен дәріс жинағы Шымкент, 2019ж

КБЖ 63.3 (2Каз)

Әдістемелік нұсқаулық Жоғары білім беру ұйымдары үшін әлеуметтік-саяси білімдер модулінің үлгілік оқу бағдарламасына негізделіп жасалынған. Типтік оқу бағдарламасы «Білім туралы» Қазақстан Республикасының 2007 жылғы 27 шілдедегі Заңының 5-бабының 5-2) тармақшасына сәйкес әзірленген. ҚР Білім және ғылым министрлігі 2018 жылғы 31 қазан №603 бұйрығымен өзгертулер енгізілген. (6 қосымша).

Дәріс жинағы мазмұны, сабақты жүргізу жоспары, негізгі терминдер мен ұғымдар, қысқаша теориялық ақпарат, пән бойынша негізгі және қосымша әдебиеттер қамтылған.

( хаттама №___ «___»_____ 201___ ж.)

© оңтүстік қазақстан мемлекеттік университеті, 2019
Басылымға жауапты Тасполтаева М.Р.
МАЗМҰНЫ
Кіріспе............................................................................................................................................6

№ 1 Мәдениет морфологиясы.......................................................................................................7

№ 2 Мәдениет тілі.......................................................................................................................10
№ 3 Мәдениет семиотикасы .......................................................................................................14

№ 4 Мәдениет анатомиясы..........................................................................................................17

№ 5 Қазақстан көшпелілерінің мәдениеті....................................................................................19

№ 6 Арғытүркілердің мәдени мұрасы..........................................................................................22

№7 Орталық Азияның ортағасырлық мәдениеті...........................................................................25

№ Түркілердің мәдени мұрасы......................................................................................................28

№ 9 Қазақ мәдениетінің қалыптасуы.............................................................................................33

№ 10 XVIII ғ.– ХIХ ғ. соңы аралығындағы қазақ мәдениеті.........................................................36

№ 11 ХХ ғасырдағы қазақ мәдениеті.............................................................................................40

№ 12 Қазіргі әлемдік үдерістер аясындағы қазақ мәдениеті..........................................................43

№ 13 Жаһандану аясындағы қазақ мәдениеті................................................................................45

№ 14 Қазақстанның мәдени саясаты.............................................................................................49

№ 15 «Мәдени мұра» Мемлекеттік Бағдарламасы........................................................................52

Білім алушының лекция сабағынан білімін бағалау критериялары.......................................54

Қолданылған әдебиеттер тізімі..................................................................................................55

Кіріспе
«Мәдениеттану» курсы әлеуметтiк-гуманитарлық циклындағы жалпы бiлiм беруi пәнi болып саналады. Мәдениеттану ғылым ретінде қарастырылып, қолданыла бастағанына көп болған жоқ. Бұрын мәдениет саласын философия, тарих, өнер тану, этика эстетика және басқа да ғылым салалары қарастырып келген болатын. Біздің қоғамымыздағы рухани өмірдің түбірлі өзгеруіне байланысты Қазақстанның тәуелсіз даму жылдарында мәдениеттану тек ғылым ретінде бөлініп қарастырылмай, жоғары оқу орындарында пән ретінде оқытудың өзектілігі күн тәртібіне қойылып отыр.

Осындай жағдайда мәдениеттану курсы студенттерге мәдениеттің көп образды екендігіне бағыттар береді. Мәдениеттану курсы мен танысу барысында студент мәдениеттің даму тенденциялары және даму заңдылықтарын анықтай алады, адамның күнделікті өмірде мәдениеттің алатын орны туралы білім алады. Бұл курс мәдениет құрылымы, мәдениеттің субьектісі туралы, культурогенез, мәдениет диалектикасы, мәдени құндылықтар және нормалар, мәдени салт-дәстүрлер, әлемнің мәдени картинасы, мәдениеттің әлеуметтік институттары, мәдениеттің даралығы, мәдени модернизация, мәдениет типологиясы, этникалық және ұлттық, элитарлық және бұқаралық мәдениеттер, мәдениеттің Шығыстық және Батыстық типтерінің ерекшеліктерін терең түсінуге және айырмашылықтарын ажырата білуге көмектеседі. Бұл курсты оқып білу барысында студент әлемнің алдыңғы қатарлы елдерінің мәдениеттерінің дамуы туралы терең танысып, Қазақстан мәдениетінің даму тарихынан толық мәлімет алып, оның әлемдік мәдени үрдісіндегі орнын анықтай алады. Мәдени үрдістерді талдау жасаудың диалектикалық әдісін меңгереді.