| Атомның ядролық моделі.
XX ғ. басында атомның бар екендігі жалпыға айқын болды; теріс заряд тасымалдағыш – электрон ашылған; оң зарядты тасымалдағыш (протон) әлі белгісіз болды, бірақ сонымен қатар оң иондардың бар екендігі белгілі болды.
Атомдар 10-8 см-ге жуық өлшемге ие, күрделі электрлік жүйе құрайтыны белгілі болды. Атомның құрлысына байланысты сұрақ туды. Жалпы атом бейтарап болғандықтан, оң және теріс зарядтар өзара компенсацияланады. Бірінші модель бойынша (Томсон моделі) атомның бүкіл көлемінде оң заряд таралған. Электрондар осы зарядты ортада болады және Кулон заңы бойынша оң зарядталған орта элементтерімен әсерлеседі. Осы байланыс салдарынан электрондар тербеледі де атомның сәулеленуіне әкеледі деген.
Екінші модель атомға күн жүйесінің құрлысына сәйкес құрылыс тән деп есептеді; ортасында оң зарядталған ядро орналасады, оның маңайында планеталар тәрізді электрондар айнала қозғалады.
Атомның нақты құрылысы жөніндегі сұрақты тек тәжірибе шеше алатын болды. Атомда электрлік зарядтың таралуын анықтау мәселесі тұрды.
Достарыңызбен бөлісу: | 
