§27. Қазақ халқының
қалыптасуы
1. Қазақ халқының қалыптасуы. Қазақ
халқының қалыптасу тарихы сонау ерте за-
маннан басталады. Халық болып құрылу үшін
жүздеген, кейде мыңдаған жылдар қажет.
Ертеде қазақ жерінде өмір сүрген сақ тай-
палары бет-әлпеті жағынан еуропалық нәсілге
жатқан. Осы ертедегі тайпалардың тұрмыс-тір-
шілігі, салты кейінгі қазақтардың өміріне өте
ұқсас.
Көп ғасырлар өте келе сақ, ғұн, үйсін, қаңлы
тайпалары туыстас көшпелі тайпалар – түрік,
түркеш, қыпшақ, найман, арғын, дулат және
басқа да өлкеде әр дәуірде өмір сүрген тайпалар-
мен өзара жақындасып, араласып кетеді. Бұл
тайпалардың бірігуіне ықпал жасады.
Моңғол тайпалары да қазақ халқының қа-
лып
тасуына өз әсерін тигізді. Қазақстанды
жау лап алған моңғолдар жергілікті түркі ру-
тайпаларымен араласуынан олардың бет-бей
-
несі өзгеріске ұшырап, моңғолдық нәсілге ай-
налды.
Жылдар өте келе әртүрлі тайпалар мен
рулардың шаруашылық байланысы нығаяды.
Туыстық ынтымағы арта түседі. Тілі, келбеті,
шаруашылығы, әдет-ғұрпы, салты ортақ сипат-
қа ие болады.
XIV–XV ғасырларда Қазақстан аумағын ме-
кендеген тайпалар ортақ түркі тілінде сөйледі.
Әртүрлі тайпалар бір-бірімен араласып, олар-
дың арасындағы айырмашылықтар жойылды,
сөйтіп, қазақ халқы қалыптасты.
Достарыңызбен бөлісу: |
