Мұғалім мен оқушының оқыту мен оқу процесіндегі өсу динамикасына реформалардың тигізген ықпалы сауалнама, жеке, жұптық, топтық сұхбаттар, әлеуметтік желідегі тәжірибелік алаңдар т.б. тетіктер арқылы анықталады;
Өткен он жылдықтағы оқушылардың халықаралық және отандық білім саласындағы динамикасы, импульсі негізінде болашақтың болжамдық картасы жасалады;
Футурологиялық картаны айқындау мақсатында жаңа технологиялар алып келген радикалды өзгерістердің қоғамның басты қозғаушы күші ретіндегі мұғалімнің кәсіби өміріне тигізген/тигізетін ықпалы анықталады;
Азиялық, шығыс Еуропалық білім беру динамикасы және шетелдік ұрпақтар теориясының әдістемесін жасаушы авторлардың әлемдік тәжірибелеріне сүйене отырып Қазақстандық жас ұрпақтың келешек концепциясы жасалады;
Жинақталған материалдар, сараптамалар нәтижесі шетелдік беделді ғылыми басылымдарда жарияланады.
