Жануарлармен өсімдіктерді салыстырып, олардың ұқсастықтары мен айырмашылықтарын анықтаңыз2. Өсімдіктер мен жануарлар жасушасының құрылысы бірдей, тіршілік процестері ұқсас болғанына қарамастан, ерекшеліктері мен айырмашылықтары да болады (1-сурет). Олардың айырмашылықтары қандай? Өсімдіктер мен жануарлар жасушаларының бірінші ерекшелігі олардың жасуша қабықшасына қатысты. Өсімдік жасушаларының жасуша қабықшасы қалың, тығыз жасұнықтан (клетчатка) тұрады. Ал жануарлар жасушаларының жасуша қабықшасы жұқа болады.
Келесі ерекшелігі — өсімдік жасушасының цитоплазмасында пластидтердің болуы. Пластидтердің құрамындағы пигменттеріне байланысты үш түрі болады: жасыл — хлоропластар, түрлі түсті боялған — хромопластар, түссіз — лейкопластар. Өсімдіктердің жасыл түсінің басым болуы құрамында хлорофилі бар хлоропластарға байланысты. Оның қатысуымен күн энергиясы химиялық заттар энергиясына айналады.
Жануарлар жасушасында пластидтер болмайды. Неге? Жануарлардың қоректену тәсілі гетеротрофты болып табылады — олар өсімдіктер түзген дайын органикалық заттарды қолданады. Үшіншіден, өсімдік жасушасында мөлдір көпіршіктер, іші жасуша шырынына толған ірі вакуольдер болады. Вакуоль су алмасуы мен тургор қысымын қамтамасыз етеді. Вакуольдерде қоректік заттардың ерітінділері болады.
Жануарлар жасушасында вакуольдер жоқ. Тек қана біржасушалы организмдерде ғана бар. Мысалы, кәдімгі амебада (біржасушалы жануарлар) асқорыту вакуолі (қоректің ыдырауына жауапты) және жиырылғыш вакуолі (артық судың сыртқа шығарылуына жауапты) болады. Өсімдік жасушасында қорға жиналатын көмірсу крахмал болса, жануар жасушасында гликоген жиналады
3
Өсімдіктің негізгі бөліктерінің қызметін сипаттаңыз 3.Тірі табиғат, өсімдіктің негізгі бөліктері, тамыр, сабақ, жапырақ, тұқым, жеміс.
Тамыр - өсімдіктің негізгі және жер астындағы мүшесі. Ол өсімдікті топырақта бекітіп ұстайды және топырақтағы ылғалды бойына сіңіреді. Тамыр арқылы өсімдік қорек алады. Тамыр түрлері тіктамыр, шашақ тамыр, ұзын тамыр.
Сабақ - өсімдіктің маңызды мүшесінің бірі. Сабақтың атқаратын қызметі: Ол өсімдіктің барлық мүшелерін бір-бірімен жалғастырып тұрады. Сабақ тамырдың топырақтан сіңірген қорегін жер үсті мүшелеріне жеткізеді.
Жапырақ - сабақ пен бұтақта орналасқан. Өсімдік жапырақ арқылы тыныс алады. Жапырақ көмір қышқыл газын жұтады да, оттегін бөліп шығарады.
Гүл - өсімдіктің жемісі мен тұқымы өсетін бөлігі. Гүл ашылғаннан кейін оның күлтелері түседі. Гүлдің орнына жеміс пайда болады.
Тұқым - өсімдіктердің көбеюіне және таралуына арналған мүше.
