| 5.Токсоплазмозға қарсы қолданылатын дәрілер.
Токсоплазмоз ауруының қоздырғышы Toxoplasma gondii. Ол көбіне лимфа түйіндерін, ішекті, өкпені зақымдайды, жүкті әйелдерді күнінен бұрын абортқа ұшыратады, оны емдеуге хлоридин, аминохинол, левамизол мен сульфанидамидтер қолданылады.
Хлоридинді (безгек ауруларына қарсы дәрілерді қараңыз) жедел және созылмалы токсаплазмозға қарсы қолданылады, циклы 5 күн, 0,05 г-нан, ал сульфаниламидпен бірге қолданғанда 0,025 г-нан. Ем ұзақтығы 2 – 3 циклға созылады. Емнің тағы да қажеттігі болса, онда 1-2 айдан соң қайталауға болады. Токсоплазмозды алдын ала болдырмау үшін 16 апталық жүкті әйелдерге 2 циклды ем қолданылады.
Аминохинолды (лямблиозға қарсы дәрілерді қараңыз) жедел және созылмалы токсоплазмозға 0,1 – 0,15 г күніне 3 рет қолданылады, сульфаниламидтік дәрілермен (тәулігіне 2 г-нан 2-3 рет) бірге қосып беріледі, ұзақтығы 7 күн, үзіліс 10-14 күндей, жалпы емі 2-3 циклмен өтеді. Алдын ала жүкті әйелдерде токсоплазмозды болдырмау үшін аминохинолды бірнеше циклмен береді. Негізінде жүктіліктің 8 аптасына дейін аминохинолды беруге болмайды, сондықтан бірінші циклі 9-14 аптадан басталады. 2-ші цикл – 15-20 аптада, 3-ші цикл – 21-26 аптада, 4-ші цикл – 27-32 аптада жүкті әйелдерге қолданылады.
Левамизолды (гельминттерге карсы дәрілерді қараңыз) иммунитет тапшылығы кезінде - 0,15 г-нан 3 күн қатарынан қолдануға болады, сосын 1 апта үзіліс. Содан соң 2-3 циклды қайталауға болады.
Достарыңызбен бөлісу: |
