Оқу жетістіктерін бағалау тәсілдері

7-сыныпқа арналған «Информатика» оқу пәнінің базалық білім мазмұны келесі бөлімдерді қамтиды:

1. 
   «Компьютердің құрылғылары». Компьютердің жад түрлері (жедел есте сақтау құрылғысы, тұрақты есте сақтау құрылғысы, сыртқы жад, кеш-жад);
   
2. 
   «Программалық қамтамасыз ету». Бірдей ақпаратты сақтайтын түрлі форматтағы файлдардың өлшемдерін салыстыру. Ақпаратты қысу, архиватор-программалар. Архивтерді құру және ашу;
   
3. 
   «Компьютерлік желілер». Компьютерлік желінің мақсаты, жіктелуі (ауқымы бойынша, топологиясы бойынша, тиістілігі бойынша);
   
4. 
   «Ақпаратты ұсыну және өлшеу». Ақпаратты өлшеу бірліктері, ақпаратты бір өлшем бірлігінен басқаға аудару;
   
5. 
   «Ақпараттық объектілерді құру және түрлендіру». Мәтіндік процессордағы кестелерді жасау, өңдеу және форматтау. Электрондық кестелер, электрондық кестенің негізгі ұғымдары. Деректерді енгізу, редакциялау және форматтау, маркер толтыру. Деректер типтері. Формулалар енгізу. Шартты форматтау. Диаграммаларды құру;
   
6. 
   «Алгоритмдер мен программалау». Салынған және құрамдас шарттарды, тармақталған алгоритмдерді программалау. Файлдарды оқу және жазу;
   
7. 
   «Ақпараттық қауіпсіздік». Ақпаратты зиянды программалардан қорғау;
   

Оқушыларды логикалық, сыни және сындарлы ойлау тұрғысынан дамыту арқылы оқытудың сапасын арттыру, алған білімдерін оқуда, күнделікті өмірде қолдана білуге үйрету басшылыққа алынады. Интерактивті және жобалау түріндегі оқыту технологияларын пайдаланып, оқушылардың фронтальды білім алуынан жұптық және жеке білім алуға өтуі қамтамасыз етіледі.