ҚЫСҚаша дәрістер мазмұНЫ
жүктеу/скачать 41,01 Kb.
|
ҚЫСҚАША ДӘРІСТЕР МАЗМҰНЫ
|
ҚЫСҚАША ДӘРІСТЕР МАЗМҰНЫ Соңғы жылдары басқару психологиясына ғылым мен оқу пәні ретінде қызығушылық артты, бұл өндіріс пен басқарудың психологияға, "адам факторына" назар аударуымен байланысты. Басқару психологиясы пән ретінде осы саладағы мамандарға ғана емес, менеджерлерге, экономистер мен психологтарға, сондай–ақ медицина, ауыл шаруашылығы, ІІМ қызметкерлеріне және түрлі мамандықтар өкілдеріне де оқытылады. Соңғы бірнеше жылда жарық көрген басқару психологиясы бойынша кітаптар мен оқу құралдарының едәуір санының пайда болуына қарамастан, олардың көпшілігі білім беру нарығының барлық қажеттіліктерін толықтай қамтамасыз етпейді. Сонымен, көптеген оқу құралдары бұрын психологияны мүлдем меңгермеген басшылар мен менеджерлерге арналған (және бұл жағдайда олар жалпы және әлеуметтік психологияның барлық аспектілерін қамтиды) немесе нақты мамандық мамандарын даярлау үшін жасалған. Бұл дәріс материалдарын әзірлеу жалпы және әлеуметтік психологиямен таныс студенттерге арналған қазақ тілінде жазылған оқу құралының қажеттілігінен туындады. Бұл оқу материалында отандық және шетелдік психологияның дәстүрлі, қалыптасқан теориялық модельдерін және жаңа концептуалды парадигмаларды біріктіру әрекеті қолданылған. Бұл оқу материалы есте сақтау мен қабылдаудың психологиялық заңдылықтарын ескере отырып құрылымдалған және бес негізгі бөліктен – мағыналық блоктардан, модульдардан тұрады. Әр бөлік, өз кезегінде 3 тақырыпшадан тұрады. Әрбір бөлік тұтас оқу бірлігі болып табылады және келесілерді қамтиды: сабақ тақырыбының атауы; студент меңгеруі тиіс негізгі ұғымдар; берілген тақырып бойынша теориялық материалдың қысқаша мазмұны; семинар сабағындағы аралық бақылау сұрақтары; студенттердің сабақта немесе үйде өз бетінше орындауы үшін тапсырмалар (оқытушымен анықталады). Оқу жоспарына сәйкес оқытушы тақырыптарды таңдап, студенттерге сабақ үстінде жұмыс жасау үшін тапсырмалар бере алады. Студенттердің өзіндік жұмысы үшін қолданылатын барлық тесттік және сауалнамалық әдістемелер қосымшада ыңғайлы болу үшін жинақталған. Әдістемелер оларды сабақта қолдануға оңай болатындай етіп таңдап алынды (қысқаша, түсінікті, интерпретацияның айқындылығы, қорытындылардың зерттелетін теориялық материалға сәйкестігі). Біз таңдап алған тестілік және сауалнамалық әдістемелер ғылыми-зерттеу мақсаттарына емес, кейбір психологиялық феномендерді оқыту және көрсету мақсаттарына қызмет етеді. Аталған әдістемелерді кәсіби пайдалану үшін оларды әзірлеушілерге немесе арнайы психодиагностикалық әдебиеттерге сілтемелер жасалған. "Басқару психологиясы" оқу материалы семинар және практикалық сабақтарды дайындау және өткізуге арналған. Сабаққа дайындалу кезінде сіз берілген тақырып бойынша теориялық материалды оқып, оны оқытушының дәрісте берген материалымен байланыстыруыңыз қажет. Білуге қажетті негізгі ұғымдар мен тұлғалар әр тараудың басында көрсетілген. Осы ұғымдардың анықтамаларын мәтінде табасыз. Оқу құралында білуге қажетті теориялық материалдар тақырыптарда қысқаша баяндалған. Алайда бұл оқу құралы дәріс курсы емес, сондықтан тақырыпты тереңірек оқу үшін ұсынылған әдебиеттерді оқу керек. Содан кейін сіз аралық бақылау үшін сұрақтарға жауап беріп, тақырыптың негізгі ұғымдарын ауызша немесе жазбаша түрде анықтай аласыз. Оқытушы сондай-ақ сізге кейбір тапсырмаларды үйге бере алады (мысалы, тест немесе сауалнама сұрақтарына жауап беру). Бұл тесттерді қосымшадан таба аласыз. Тест нәтижелеріне диагноз ретінде қарауға болмайды. Тест және сауалнамалармен жұмыс жасау – бұл өзін жақсы түсіну және курста оқылатын заңдылықтарды тереңірек зерттеу тәсілі болып табылады. Тесттерден алынған нәтижелерді оқытушымен талқылай аласыз. 1 дәріс. БАСҚАРУ ПСИХОЛОГИЯСЫНЫҢ ПӘНІ жүктеу/скачать 41,01 Kb. Достарыңызбен бөлісу:
|