арналды. Мұндай форум бұдан бұрын «электронды үкіметті» дамытуда көшбасшы болып табылатын Оңтүстік Кореяда екі рет өткізілген болатын. Ал үшінші форум, мінекей, Қазақстанда ұйымдастырылып отыр. Еліміз осындай көлемді іс-шараны өткізу құқына халықаралық рейтингтерде бірнеше рет белгіленген ақпараттық-коммуникациялық технологиялар және «Электронды үкімет» саласындағы жетістіктерінің арқасында қол жеткізді. Оған бір дәлел биыл БҰҰ электронды үкімет дамуы бойынша рейтингте Қазақстан 2012 жылмен салыстырғанда 10 сатыға көтеріліп, 193 елдің ішінде 28-ші орында тұрақтады. Осылайша, бұл салада алғашқы отыздықтың қатарына қосылдық. Халықаралық электрбайланыс одағының деректері бойынша өңірде 2 млрд тіркелген байланыс және 1,4 млрд ұялы байланыс абоненттері тұрады. Сонымен қатар Азиялық-Тынық мұхит аймағы әлемдік интернет пайдаланушылардың 40 пайыз және жалпы әлемдік көлемінің 39 пайыз үлесін құрайды. 2015 жыл Біріккен Ұлттар Ұйымы (БҰҰ) үшін мыңжылдықтың даму мақсаттарына байланысты үрдістің аяқталуын және Дамудың жаңа негіздемелік бағдарламасын бекітілуін алған жемісті жыл болды.
Жалпы ақпараттық-коммуникациялық технологиялар жайлы айтатын болсақ, қазір 3G, 4G, FTTH технологияларын жылдам енгізу жүргізілуде. Ал Қазақстан үшін бұл саладағы басты мақсаттардың бірі –
