ПРЕПАРАТ №63. Түкті безі. Г.Э. Препаратты кіші және үлкен ұлғайтқышпен зерттеп, кіші ұлғайтумен шаштың ұзын бойы кесіндісі бар тері аймағының суретін салу керек. Эпидермисті, дерма, май безінің сыртқы қынапка ашылар жерін, түк бадамшасын және емізікшесін табыңыз.
Суретте белгілеу керек:
1. эпидермис
2. дерма
3. тері асты шел қабаты
4. шаш түбірі
5. ішкі түбір қынабы
6. сыртқы түбір қынабы
7. түк бадамшасы
8. түк емізікшесі
9. май безі
ПРЕПАРАТ №52. Жүрек. Миокард. Т.Г. Кіші ұлғайтқышпен көлденең кесіндіден тұратын жүрек бұлшық етін тауып алу керек. Үлкен ұлғайтқышпен арасында әлсіз дәнекер ткані орналасқан жеке ет талшықтарын салу керек. Ет талшықтары көлденең және ұзын бойы жолақ болып орналасқан. Жүрек ет тканінде көлденең жолақтан басқа жуан қондырма жолақтарда бар.
Суретте белгілеу керек:
1. эндомизий
2. сарколемма
3. миофибрилл
4. қондырма жолақтар
5. қан тамырлары
ПРЕПАРАТ №53. Жүректің өткізгіш миоциттері. Г.Э. Кіші ұлғайтқышпен эндокард астынан көлденең кесілген ашық түсті өткізгіш миоциттерді көруге болады. Үлкен ұлғайтқышпен эндокардты және оның астында орналасқан көлденең кесілген талшықтардың суретін салу керек.
Суретте белгілеу керек:
1. эндокард
а) эндотелий
б) эндотелий асты қабаты
в) ет-эластикалық мембрана
г) эндокард асты қабаты
2. өткізгіш миодиттер
3. миокард
ПРЕПАРАТ №46. Капиллярлар, артериолалар, венулалар. Г.Э. Кіші ұлғайтқышпен ұсақ тамырлар торын тауып, үлкен ұлғайтқышқа ауыстыру керек. Капилляр-өте ұсақ тамыр, оның диаметры эритроциттен сәл үлкендеу, сондықтан капиллярда эритроцит тізбектеліп, бір қатар орналасады. Капиллярдың қабырғасында базальдық мембранада ұзына орналасқан сопақша, сәл боялған эндотелиоциттің ядросы созылыңқы, күңгірт перициттің ядросын көруге болады. Сыртында, ұзына бойы адвентициальдық клетка орналасқан. Венулада эритоциттер бірнеше қатар орналасады. Артериоланың капилляр мен венуладан айырмашылығы, оның қабырғасында біріңғай салалы ет клеткасы сақиналы орналасады.
Суретті салып, белгілеу керек.
1. артериола
2. капилляр
3. венула
