Асинхронды форматтағы сабақтар/ оқу сабақтары

1) Асинхронды форматтағы сабақ педагогтің білім алушылармен Интернет-платформада қашықтан өзара әрекеттесуі кезінде жүзеге асырылады.

2) Асинхронды форматта сабақты дайындау кезінде педагог:

- білім алушыларға өз бетінше оқу үшін оқу материалын ұсынады;

- білім алушыларға кез-келген уақытта интернет-платформада орналастырылған немесе педагог өз бетінше жазған телесабақтарды немесе бейне оқулықтарды көруге мүмкіндік береді;

- интернет-платформада орналастырылған сандық білім беру ресурстарын ұсынады;

- сабақтың мақсатына сәйкес оқу тапсырмаларын ұсынылатын көлемге сәйкес, орындау тәртібі мен уақыт шығындарын көрсете отырып, сондай-ақ білім алушылардың жеке мүмкіндіктері мен ерекше қажеттіліктерін ескере отырып әзірлейді;

- білім алушыларға оқу тапсырмасын жібереді;

- орындалған жұмыстарды қабылдайды, электрондық журналдардың мүмкіндіктері арқылы, электрондық журналдар болмаған жағдайда – байланыстың қолжетімді түрлері арқылы белгіленген тәртіппен білім алушыларға кері байланысты (түсініктемелер, ұсынымдар) талдайды және ұсынады;

- білім алушылар үшін, оның ішінде ерекше білім беру қажеттіліктері бар балалар үшін қажет болған жағдайда жеке консультациялар өткізеді.