Шабақтарды айырып тану.Импринтинг. Жас балықтарды өсіру мерзімінде жыртқыш цихлидті балықтар қоректенуін тоқтатпайды. Сондықтан, олар өздерінің шабақтарын ауызына тығып, қорғай отырып, олар өздеріне жақын түрлердің шабақтарын жей бастайды. Бұл түрдің балықтарының есі жақсы дамыған болып шықты. Жас цихлод балықтары ең бірінші рет ұрпақ қалдыратын кезде, ұя құрады және сол жерге жиналған уылдырықтарынан шабақтар шыға бастайды, олар бірнеше сағат бойы олардың қалай көрінетінін есте сақтап қалады және қартайғанша өз шабақтарының түрін бөтен шабақтармен шатастырмайды. Шабақтарын өсіру кезінде бөтен балық шабақтарын қорек етпейді. Жан – жағынан алып қарайтын болсақ, бұл жағыдайды үйрену ғана емес, сонымен қатар өз түрінің балаларының келбетін ата - аналық есте сақтау десекте болады. Осыған көз жеткізу үшін мына экспермент көмек болды. Хемихромистердің жас жұбы ең бірінші уылдырық шашқан кезде, ғалымдар олардың өз уылдырықтарын басқа цихлид түрлерінің уылдырықтарына алмастырып қойды. Шабақтар жарып шықты және ата – аналары оларды қамқорлықпен өсірді, ал өзінің нақты шабақтарын кездестірген кезде, олар оны бірден жеп қойып отырды. Осындай ауытқыған мінез – құлық нық бекітілді. Өзінің ұрпағын өсіру қабілеті толығымен жоғалды, себебі өздерінің шабақтары жарыққа шыққаннан кейін, ата –аналары оларды жеп қойды. Демек, кейбір жағыдайларда ата –аналарының есінде шабақтарына тән ұмытылмайтын әсер қалады.
