Қондырғының сипаттамасы
Өткізгіштің кедергісін жоғарыда қарастырылған тәсілдермен өлшеу үшін бұл жұмыста ФПМ – 01 қондырғысы қолданылады. Қондырғының сыртқы көрінісі 3-суретте бейнеленген. Қондырғының тағанына (1) сызықты шкаласы бар бағана (2) орналасқан. Бағанада қысқыштары (3) бар екі кронштейн бекітілген қысқыштар арасында осы жұмыста меншікті кедергісі анықталатын хромникель сым (4) тартылған. Сымның жалпы ұзындығы – 0,5 м, диаметрі – 0,36 мм. Баған контактты қысқышы (5) бар жылжымалы қосымша кронштейнмен жабдықталған.
3-сурет
Қысқыштар кедергісі аз сымдар мен қондырғының өлшеуші бөлігімен (6) жалғанады. Оның бетіне миллиамперметр (7) мен вольтметр (8) орнатылған. Вольтметрдің кедергісі 2500 Ом, амперметрдікі – 0,15 Ом. Қондырғы (9) клавишінің көмегімен электр жүйесіне қосылады.
Өткізгіштің кедергісін (10) клавиша басулы кезде кернеу мен ток күшін өлшеу тәсілімен, ал бос тұрғанда ІІ – қосқыштарға жалғанатын тұрақты ток көпірінің көмегімен анықтауға болады. (12) – клавиша кедергіні кернеумен анықтағанда а мен б (1 – сурет) схемалардың біреуін таңдап алу қажет. 13 – тұтқамен тізбектегі ток күшін өзгертуге болады.
Достарыңызбен бөлісу: |
