Жеңіл өнеркәсіп халықтың жеке сұранысын қанағаттандыратын өнім түрлерін шағарады. Жеңіл өнеркәсіптің мақсаты - тұрғындарды әдемі, әр алуан, ең бастысы тиімді — жоғары сапалы киіммен және аяқ киіммен камтамасыз ету. Қазақстанның жеңіл өнеркәсібінің жақсы шикізат базалары бар: мақта, жүн, табиғи былғары. Дегенмен, ол экономикадағы ең бір «шешімін таппаған» сала болып есептеледі. Жеңіл өнеркәсіп көп салалы өндіріс. Оның негізгілері - тоқыма, тігін, мақта-мата, былғары, тері илеу салалары. Жеңіл өнеркәсіп (кей жағдайда болмаса) - материалдан гөрі еңбекті көп қажет ететін, экологиялық жағынан «таза» және көбінесе «әйелдер» қызметінің саласы. Өнеркәсіптін өнімі жөне өңделген шикізатты тасымалдауға қолайлы, әрі ұзақ сақталады. Бұл оның салаларының таралып орналасу «бейнесін» көрсетеді.
Жеңіл өнеркәсіп құрылымы табиғи немесе химиялық шикізаттарды қайта өңдеудің технологиялық кезеңдерінен тұрады.
Жеңіл өнеркәсіп құрылымы
Шикізат өндірісі
Жартылай дайын өнімдер
Дайын өнімдер
Мақта
Жіп иіру,тоқыма
Тоқылған бұйымдар (трикотаж),кілем
Шитті мақта
Былғары
Аяқ киім
Мал терісі
Тері
Галантерея
Жеңіл өнеркәсіп құрамына кіретін салаларды орналастыру ұстанымдары
Шикізат өндірістері (мақта тазалау жұмыстары, жүн жуатын фабрикалар, жүнді өңдейтін кәсіпорындар) ауылшаруашылық шикізат базалары бар жерге шоғырланады.
Мыс, 1 т жуылған жүн алу үшін 2 т жуылмаған жүн керек, ал 1 т мақта алу үшін 3 т-дан астам мақта шикізаты қажет. Сондықтан бастапқы өңдеу кәсіпорындары шикізат көзіне жақын орналастырылады.
Тоқыма, былғары, тері т.б. кәсіпорындар кәсіби жұмыс күші және тұтынушылары бар қалаларда орналастырылады.
