4. Жатыр түтігінің орнласуы мен құрылысы және қызыметі.
5. Қынап және сыртқы жыныс мүшелері орналасуы мен қызыметі.
6. Ер адамның жыныс мүшелері.
7. Аталық без құрылысы мен қызыметі, оның қосалқысы.
8. Шәует өзегі мен шәует көпіршігі орналасуы мен қызыметі.
9. Қуық алды безі, бульбоуретал бездерінің орналасуы мен қызыметі.
10. Ер адамның сыртқы жыныс мүшелері.
Әйел адамның жыныс мүшелері
Ішкі жыныс мүшелері (жатыр, аналық жыныс безі, жатыр түтігі, жатыр қынабы) және сыртқы жыныс мүшелері (үлкен және кіші жыныстық еріндер, клитор, қынап кіреберісі) болып бөлінеді.
Аналық жыныс безі (ovarium) – жұп без, жамбастың кіші астауында жатырдың екі бүйірінде орналасқан. Екі бүйірі қысыңқы,сопақша, салмағы 5-7г., оның екі беті, жоғарғы түтік, төменгі жатыр ұшы, артқы еркін, алдыңғы шарбы шеті бар.
Аналық жыныс безінің түтік ұшына жатыр түтігінің бір шашағы келіп бірігеді, жатырмен оның меншікті байламы арқылы шектеседі.
Аналық жыныс безінде жыныс жасушасы өсіп дамиды, жетіледі, гормон пайда болады.
Аналық жыныс безі екі қабаттан тұрады:
Ішкі милы қабаты қан тамырлары мен жүйкеге бай.
Сыртқы қыртысты қабаты фолликулалары бар дәнекер ұлпадан тұрады.
Жаңа туған сәби қыздың аналық жыныс безінде бірнеше он мыңдаған жетілмеген фолликулалар болады. Кәмелетке жеткен бойжеткеннің аналық жыныс безінде жетілмеген фолликулалармен бірге жетілген фолликулалар болады.
Жетілген фолликулалар немесе графф көпіршігі лимфа мен қан тамырларына бай.
Пісіп жетілген графф көпіршігінің іші көпіршік сұйықтығына толы, оның ішінде дәнешелі жасушалармен қоршалған жұмыртқа төмпешігі бар. Әрбір 28-30 күнде жетілген графф көпіршігі жарылып, жұмыртқа жасуша іш қуысына түседі. Оны «овуляция» деп атайды.
1 — сол бүйрек; 2 — қыртысты қабаты; 3 — оң бүйрек; 4 — бүйрек пирамидасы; 5 — бүйрек қақпасы; 6 — бүйрек тостағаншасы; 7 — сол несеп ағар; 8 — несеп қуығының ұшы; 9 — несеп қуығының түбі; 10 — несеп қуығының денесі; 11 — шәует көпіршіктері; 12 — қуық алды безі; 13 — аталық жыныс мүшесінің денесі; 14 — аталық жыныс мүшесінің түбі; 15 — шәует шығарушы өзек; 16 — қосалқысы; 17 — аталық жыныс мүшесінің басы; 18 — аталық жыныс безі; 19 — аталық жыныс безі бөліктері
