Шағылу. Жарықтың шамамен 5-7% мүйізді қабат деңгейінде шағылады. Абсорбция. Ұлпа арқылы өткен жарықтың жұтылуы оның бастапқы интенсивтілігіне, жарық өтетің зат қабатының қалыңдығына, жұтылатың жарық толқынының ұзындығы мен жұтылу коэффицентіне тәуелді. Егер жарық жұтылмаса, оның ұлпаға еш әсері болмайды. Фотон молекулалық мишень арқылы жұтылған кезде оның бар энергиясы сол молекулаға беріледі. Маңызды эндогенді хромофор ретінде меланин, гемоглобин, су және коллаген қызмет атқарады. Экзогенді хромофораларға татуировка бояғыш заттары және жарақаттану барысында енген бөгде зат бөлшектері жатады.
Шашырау. Бұл процесс дерма коллагенімен сипатталады. Шашырау құбылысының маңыздылығы – оның хромоформ- мишень арқылы жұтылуға дайын энергия ағынының тығыздығын жылдам төмендетіп, ұлпаға клиникалық әсерін де өзгерту. Ену. Жарықтың теріасты құрылымдарына ену тереңдігі шашырау интенсивтілігі секілді толқын ұзындығына байланысты. Қысқа толқындар (300-400нм) интенсивті шашырап 100 мкм-ден астам тереңірек кірмейді. Ал ұзын толқындар тереңірек енеді, себебі олар аз шашырайды. ЖОҒАРЫ ИНТЕНСИВТІ СӘУЛЕЛЕНУ ЛАЗЕРЛІК ХИРУРГИЯДА ТЕРІНІ ҚАЙТА ҚАЛПЫНА КЕЛТІРУ, ЖОЮ, ШЫРАМДЫ ЖОЮ, ТЕРІ ЖАСАРТУ ЖӘНЕ ЭПИЛЯЦИЯЛАУ ҮШІН ҚОЛДАНЫЛАДЫ.
