Ерекшеліктері. Жылқыда самай қанатының артқы жиегінде үш ойық
болады. Олар: медиальды – ұйқы ойығы (incisura carotica), ортаңғы - жота
ойығы (incisura spinosa), латерельды – сопақ ойығы (incisura ovalis). Самай
қанатының мимен жанасатын ішкі бетіндегі алмұртша шұңқырдан екі сай
шығады. Олардың медиальды сайы көздік саңылаумен, ал латеральды сайы
дөңгелек тесікпен жалғасады. Негізгі сынаша сүйек қанатша өсіндісінің
басталатан жері екіге айырылып, қанат өзегін (canalis alaris) құрайды. Қанат
өзегіне үш тесік ашылады. Олар: алдыңғы жəне артқы қанат тесіктері (foramen alare rostrale et caudale) мен өзектің дорсальды қабырғасындағы кіші
қанат тесігі (foramen alare parvum). Сынаша сүйек қойнауы жоғарғы жақ
сүйегі қойнауымен жалғасып жатады.
Сиырдың негізгі сынаша сүйегі самай қанатында сопақ тесік (foramen
ovale) болады. Қанатша қыралдындағы көздік саңылау мен дөңгелек тесік
бірігіп, көздік-дөңгелек тесікті (foramen orbitorotundum) құрайды.
Қойда сынаша қойнау болмайды. Түрік ершігінің арқалығы айқын
көрінеді. Самай қанатындағы сопақтесік төбе сүйекке дейін созылып жатады.
Шошқада самай қанатының каудальды жиегінде үйқы жəне сопақ
ойықтар жақсы көрінеді, жота ойығы болмайды. Көздік
саңылау мен дөңгелек тесік бірігіп, көздік-дөңгелек тесікті құрайды.
Сынаша сүйектің қойнау қуысы таңдай сүйектің қойнауы қуысыкен
байланысады.
Итте самай қанатының каудальды жиегіндегі ойықтар орнында аттас
тесіктер болады. Ал самай қанатының ішкі бетінде қиылыс сайы болмайды.
Көздік саңылау мен дөңгелек тесік бірігіп, көздікдөңгелек тесік — деп
аталады.
93 - сурет. Жылқы бассүйегінің бүйір беті (бет доғасы алынып тасталған) III —
жоғарғы жақ сүйек, IV — көзжасы сүйегі, V — бег сүйек, VI — маңдай сүйек, VII —
