куйымшак, сүйегімен бірігіп кеткен. Жамбас сүйекте жапқыш тесікпен қатар, шонданай тесігі болады. Асықты сүйектерінің дистальды басы
тілерсек сүйектерінің проксимальды қатарымен, ал жіліншік сүйектерінің
проксимальды бастары тілерсек сүйектерінің дистальды қатармен бірігіп
кеткен. Жіліншік сүйектер бір-бірімен қосылып бірігіп, бір ғана жіліншік
сүйек құрайды. Артқы аяқта 1 –інші, 2 – нші 3 – інші жəне 4 – інші тырнақ
сүйектері болады. 1 – інші тырнақ сүйектері екі фалангадан, 2 -нші тырнақ
сүйектері үш фалангадан, 3 – інші тырнақ сүйектері төрт фалангадан, 4 – інші
тырнақ сүйектері бес фалангада тұрады
Құстың бұлшық еттері үй жануарлары бұлшық еттеріне ұқсас. Ұшатын
құстарда төс бұлшық еттері, жүретін құстарда жамбас бұлшық еттері жақсы
жетілген. Бет бұлшақ еттері болмайды. Артқы аяқ бұлшық еттері нің ішінде,
бұтақтарға қонған кезде буындарды бүгу арқылы тырнақтарды тартып, құс
тырнақтарының күш жұмсамай-ақ бұтақтарды қысып тұруына ықпалын
тигізетін сымбат бұлшық еті өте жақсы жетілген.
Тері жабыны жəне оның туындылары. Құс терісі қабаттарының
құрылысы сүтқоректі жануарлар терісіне ұқсас. Ерекшеліктері: теріде тер
жəне май бездері болмайды. Тек, соңғы құйымшақ омыртқасының жоғарғы
жағында ғана май бөлетін құйыршық безі болады. Ол, əсіресе, суда тіршілік
ететің құстарда жақсы жетілген. Тері түкткрі орнында қауырсындар жетілген.
