insert() әдісі белгілі бір позициядағы массивке жаңа элемент қосуға мүмкіндік береді. insert() әдісін қолданған кезде жаңа элементтің индексі мен
мәні көрсетіледі. Бұл әдісті қолдану арқылы массивке жаңа жолдар немесе бағандар қосуға болады.
№25. Екі өлшемді nxm массиві берілген. 3-тен тұратын екінші жолды қосу керек.
Программасы:
Нәтижесі:
Сұрыптау.
Программалардағы массивтер деректерді сақтау, іздеу және өңдеу қызметін атқарады. Массивтер арқылы әртүрлі операцияларды жүзеге асыруға болады. Кейбір әрекеттерді жеңілдету үшін массив элементтерін белгілі бір принцип бойынша реттеу керек. Мұны сұрыптау арқылы жасай аласың.
Сұрыптау– массив элементтерін өсу немесе кему ретімен жүйелеу.
Өсу ретімен сұрыпталғаннан кейін сандық деректер ең төменгі мәннен жоғары мәнге дейін, мәтіндік мәліметтер алфавит бойынша сұрыпталады.
Кему ретімен сұрыпталғаннан кейін сандық деректер ең үлкен мәннен ең төменгі мәнге дейін, мәтіндік деректер кері алфавиттік тәртіппен орналасады.
Сұрыптау үшін әртүрлі алгоритмді қолдануға болады. Python-да әдістер мен кіріктірілген тізім функцияларын қолдана отырып, сандық және мәтіндік массивтерді сұрыптауға болады.
