Міріндегі математика
-модуль. Тұрмыстағы математика (7 сағат)
жүктеу/скачать 1,22 Mb. Pdf көрінісі
|
Тулекова-С.С.-Адам-өміріндегі-математика-2
| 3-модуль. Тұрмыстағы математика (7 сағат)
Математиканың күнделікті үй тұрмысындағы орны көрсетіледі. Геометрия мен адамды қоршаған тұрмыстық заттар, үй құрылысын жүргізу, аспаздық, қолөнер, отбасы бюджеті сияқты тұрмыстық салада математикалық формулалардың қолданылуы қарастырылады. Адамның өзіндік өлшемдері мен құрастырулары арқылы жасалатын объектінің параметрін, сипаттамасын таңдай білуін қажет ететін қолданбалы есептеулер жүргізіледі. Жуықтап есептеулер мен кесте, анықтамалықтарды үй жағдайында қолдана білуге үйретеді. Қамтылатын тақырыптар: Құрастыру Қолөнер шеберлігі Салауатты өмір сүру талабы Танымдық саяхаттар (3 сағат) Оқушылардың оқу жетістігін бақылау (7 сағат) Әр модульдің мазмұны бойынша межелік бақылаулар және қорытынды бақылау ұйымдастырылады. 13 Оқушылардың оқу жетістігін бағалауды ұйымдастыру. Таңдау курсын оқыту барысында оқушыларға тақырыпты бекіту мақсатында үйге арнайы тапсырмалар берудің қажеттілігі жоқ. Оқушыларға мектеп курсындағы оқулықтардан немесе қосымша ақпараттық ресурстардан өтілген тақырыпқа сәйкес пәнаралық байланысты көрсететін, математикалық түрлендіруді қажет ететін есептерді тауып, шығаруды ұсынуға болады. Сонымен қатар математикалық білімді қолданатын мамандықтар каталогын, картасын жасауды тапсыруға болады. Кейбір тақырыптар бойынша оқушының ойлау қабілетін, пәнаралық байланысты іздеу, математикалық есептеулерді компьютерлік бағдарламалар арқылы модельдеу мәдениетін дамытуға арнайы жаттығулар ұсынылады. Оқушылардың өзіндік іздену әрекетін ұйымдастыру құралы ретінде реферат, баяндама, зерттеу жобаларын қолдануға болады. Жобалау жұмысының негізгі мақсаты-математиканың адам өміріндегі шынайы қолданылуын танып білу болып табылады. Бұл мақсатқа жету үшін қажетті ақпараттарды жинақтау, маңыздылығына қарай сұрыптау, өңдеу; математикалық білімді қолданатын фактілер келтіру; қорытындыны белгілі бір формада /бейнесюжет, фотосурет, иллюстрация, сызба, макет, т.б/ ұсыну қадамдарын іске асыру қажет. жүктеу/скачать 1,22 Mb. Достарыңызбен бөлісу:
|