Мұнай-газ ісі кафедрасы
жүктеу/скачать 16,97 Kb.
|
Өтеген Асылбек экон.бизнессрсп2
- Бұл бет үшін навигация:
- Орындаған: Өтеген Асылбек Абайұлы Топ
|
Құдайберген Жұбанов атындағы Ақтөбе өңірлік университеті Мұнай-газ ісі кафедрасы Техникалық факультеті СРСП-2 Тақырыбы: «Икигай» ұғымының мәні және оны өмірде қолдану атты дәріске сын пікір-жазу Орындаған: Өтеген Асылбек Абайұлы Топ: АжБк-201 Қабылдаған: Байшукурова Жанат Жанбырбаевна Икигаи (生き甲斐, [ikiɡai]) дегеніміз "адам болу негізі" туралы Жапондық ереже. Икигаи сөзі бір адамның өмір құнының қайда жатқанын, немесе оның өмірін бағалы ететін мақсатқа сай таңдау жасауын білдіреді. Сөзді Қазақшаға тіке аударғанда "өмір сүруіңнің мақсаты", немесе "тәңертең оянып, орыннан тұруыңның түп себебі" болып шығады. Әрбір тұлғаның икигаиы өзіне жеке және арнайы болып келеді, ол әркімнің жеке өміріндегі құндылығы мен сенімін негіз етеді. Ол тұлғаның ішкі өздік болмысын әйгілеп, соған адал түрде іс жасап, кәсіп таңдауын көрсетеді. Әр адам өз ішкі өздік болмысына сай келетін өмір сүріп, өзі қызығатын іспен/кәсіппен шұғылданғанда, оған өте жайлы сана күйі қалыптасып, бәрі жеңіл әр жағымды болады. Өзі ұнатқан іс болғандықтан адамда шаршау, жалығу, агрессия, стресс секілді жағымсыз сезімдер сирек болады. Адам өзінің неге қызығатынын білу үшін ізденісті бастан кешіруге тиіс, әсіресе жас кезінен бастап адамның шындап неге қызығатынын іздеуге тәрбиелеп, тауып алуына көмектесудің маңызы ерекше. Адамның жеке өз икигаиі ешқашан адамды мәжбүрлемейді, ол әрқашан адамды шабыттандырып, жүрек тереңінен махаббатын оятып, бар қабілетін алып шығып белсенді кірісуге, әрқашан көңілді жүруге жетелейді, сөйтіп тұлға өз өміріне қанағаттана алады, өз өмірінің мәнін терең түйсіне алады. Енді оны ештеңе алаңдатпайды, ол үшін өз өмірінің мәні оның өз іс-әрекетінде жатады. Негізі еңбекқорлық дәл осы ережеге негізделгенде ғана өмір адам үшін кісен емес, бақыт майданы болады. Қазіргі әлем бізге көптеген сынақтарды ұсынады, бұл біздің денсаулығымызға тұрақты стресс түрінде әсер етеді. Тіпті "нервтердің барлық аурулары"деген сөз бар. Өкінішке орай, әлемде өмір сүру ұзақтығы өте төмен. Көптеген адамдар зейнеткерлік жасқа дейін өмір сүрмейді. Бірақ өмір сүру деңгейі де, материалдық қамтамасыз ету де шешуші рөл атқармайды. Мүмкін мұның бәрі біздің дүниетанымымыз бен өмір салтымыз туралы шығар? Икигайдың қандай пайдасы бар? Икигай Окинавадағы жастардың қайнар көзі болып саналады, өйткені ол егде жастағы адамдарды белсенді, сау ұстайды және 90 жастан асқан болса да, оларды жас сезінеді. Икигай Екінші дүниежүзілік соғыс оқиғаларынан қатты зардап шеккен Окинава аралындағы адамдарды өзгертуге көмектескен нәрсенің бір бөлігі болды. Онда ұзақ уақыт өмір сүру ұзақтығы, сондай-ақ оның тұрғындарының өмір сүру сапасы төмен болды. Бірақ жергілікті тұрғындар ұзақ уақыт бойы сау, белсенді және теңгерімді болуға көмектесетін өмірлік философияны қабылдауға шешім қабылдады. Икигайдың бір бөлігі ретінде олар жан тыныштығына ықпал ететін хобби іздеп қана қоймай, олардың тағамдары табиғи және сау бола бастады. Dan Buettnerдің айтуынша төрт нәрсе маңызды: сенің құндылықтар жүйең, өзің қалайтын іс, өзің тамаша орындайтын іс, дүниенің сенен нені қалауы. Осы төртеуінің бірлігі икигаи есептеледі. Құндылықтар жүйең бейне сенің өміріңнің көкжиегі, ол арқылы сен көз алдағы нәрселердің шектемесінен шығып, алысқа, ұзақ болашаққа беттей аласың, "мен кіммін және кім болуға тиіспін" дегенді анықтай аласың. Ал, қалайтын ісің және сен тамаша орындайтын ісің сенің сол құндылықтарды іске асыратын ұрымтал мүмкіндіктерің есептеледі. Ал, өмір мақсатының болмауы, не жоғалуы, ісіңнің көңілің мен қалауыңа сай келмеуі өміріңнің өзіңе жағымсыз болуын туғызатын басты себеп есептеледі. “Сенің икигаиың сен тамаша орындай алатын және сен сүйетін істің арасында жатыр,” дейді Hector Garcia, өзінің бірігіп жазған "Икигаи: жапондықтардың ұзақ және бақытты өмірінің құпиясы" атты еңбегінде. Ол былай дейді: “бейне кей адамдар зат пен ақшаға құмар болғаны секілді, басқа бір адамдар ақша мен атақ қуалаған өмірге қанағаттанбайды, материалдық байлықтан биігірек құндылықтарға талпынады. Әртүрлі аталып келсе де, дәл осы талпыныс өмір мағынасының өзегін құрайды.” Ежелгі Қытай ойшылы Конфуцийдің "Егер өзің ұнатқан істі істер болсаң, ешқашан жұмыс істемес едің" деген қанатты сөзі әр адамды оның ісімен бірлікке келтіретін икигаиы бар екенін білдіреді. Өз икигайыңды қалай табасың? Өзіңнің ең басты ісіңді ашуға сізден, мүмкін, мол уақыт пен қуат қажет шығар. Сізге саналы және маңызды шешім қабылдау керек және өкініштісі, көптеген адамдар оның қажеттілігін өте кеш түсінеді. Өз икигайыңды іздеуді неғұрлым ерте бастасаңыз, өз өміріңізден қанағат пен жан тыныштығын соғұрлым тез сезінесіз. Міне сізге іздеуге көмектесетін бірнеше сұрақтар мен жауаптар: - Жетістіктер. Сіз өз өміріңіздегі қандай жетістікті ең құнды деп санайсыз? Бір парақ қағаз алып шынымен өзіңіз мақтаныш тұтатын 2-3 ісіңізді жазыңыз. Бұл өз икигайыңызды іздеп табу нүктесі қызметін атқаруы мүмкін. - Білім. Сіздің ерекше білімдеріңіз бен дағдыларыңыз неде? Не нәрседе өзіңізді маманмын деп санайсыз? Не жөнінде сіз рақаттана айтасыз, қандай тақырыптағы әдебиетті оқисыз? Бос уақытыңызда қандай сайттарды жиірек көресіз? - Түйсік. Өзіңіз білетін саладағы жұмыс мансаптық табыс кепілі. Бірақ сіз бақытқа кенелгіңіз келсе, онда нені сүйсеңіз, сонымен айналысу керек. Сіздің іскерлік табыстарыңыз жүректегі қуанышпен бекімесе сіздің икигайыңызға әсер етпейді. Ең алдымен осыған көңіл аудару қажет. - Өзін-өзі бағалау. Сіз өз армандарыңызда өзіңізді қалай көресіз? Сіз оқытушы, заңгер, ана, ғалым, кітап шығарушы, фермерсіз бе? Мүмкін, сіздің өз болашағыңызға деген бағаңыз сіздің күш-жігеріңізді бір жерге шоғырландыруға көмектесетін шығар. - Тұлға. Дүниеде бірдей адамдар жоқ және әр тұлғаға мүлде бөлек жұмыс түрлері сай келеді. Өзіңізді тұлғалық қалпыңызды біле отырып сіз кей жұмыстың зор қанағат әкелетінін, ал кейбірінің жүрегіңізді селт еткізбейтінін түсінесіз. Икигайды іздеу үшін бәрінен бұрын нені қалағаныңыз бен бәрінен бұрын не қолыңыздан келетіні қиылысқан жерде сіздің басты ісіңіздің орналасқанын көрсететін арнайы картаны пайдалануға болады. Соңғы тілек. "Сен нені жақсы көресің, соны табуың керек. Өзіңнің сүйікті адамың сияқты өзің жақсы көрген жұмысты табу да қажеттілік. Жұмыс сенің өміріңнің көп бөлігін қамтитын болады, жұмыстан қанағат алудың жалғыз жолы - саналы түрде оны тамаша етіп орындау. Өз жұмысыңды тамаша етіп жасаудың жалғыз жолы – оны жақсы көру. Егер сен өзіңнің сүйікті ісіңді таппасаң, іздеуді жалғастыра бер. Таппайынша іздеуді тоқтатпа. Басқаларын қалай жүрегің сезсе, солай іздеген нәрсеңді тапқаныңды бірден түсінесің. Небір керемет қарым-қатынастардағы жағдайлардай сенің жұмысқа деген көңілін де күннен күнге еселене түседі. Сондықтан ізде және тапқанша тоқтама. жүктеу/скачать 16,97 Kb. Достарыңызбен бөлісу:
|