Модуль 03: «Физхимиялық талдау»

10%-тік фенол ерітіндісінің бу қысымын есептеңдер, егер таза еріткіштің бу қысымы р₀= 2,26 · 10³ Па.

р = р₀(1 –N_ф), N_ф – фенолдың мольдік үлесі.

р=2,26·10³ · 0,98 = 2,24 · 10³ Па.

Егер Е_К = 0,52 тең болса, 10%-тік глицериннің судағы ерітіндісінің қайнау температурасын есептеңдер.

Егер Е_К=1,86 болса, 5%-тік глюкозаның судағы ерітіндісінің қату температурасын есептеңдер.

3,24 г күкіртті 40 г бензолда еріткенде соңғы қату температурасы 1,73 ⁰С-қа төмендеді. Ерітіндіде күкірт молекуласы неше атомнан тұрады? (Ек=5,5)?

Егер 1 литрде 48 г еріген зат болса, 20⁰С температурадағы осмостық қысымы 3,1 бар тең еріген заттың молекулалық массасын есептеңдер.

5.2. 20⁰С температурада 90 г бензолдағы 6,4 г нафталин (С₁₀Н₈) ерітіндісінің бу қысымын есептеңдер. Бензолдың бу қысымы 9953,8 Н/м² тең.

5.3. 150 г сулы ерітіндіде 34,2 г қант (С₁₂Н₂₂О₁₁) бар. Егер судың бу қысымы – 4242 Н/м² тең болса, 30⁰С температурадағы осы ерітіндінің бу қысымы қандай?

5.4. 100⁰С температурадағы 1%-тік хлорлы натрий (NaCl) ерітіндісінің бу қысымын есептеңдер. Ерітіндідегі тұздың диссоциациялану дәрежесі 1-ге тең.

5.5. 30⁰С температурада бу қысымын 266,5 Н/м² мәнге төмендету үшін 90 г суда қанша грамм глицеринді (С₃Н₈О₃) еріту қажет?

5.6. 200 г нафталиннің (С₁₀Н₈) бензолдағы (С₆Н₆) ерітіндісінде 60 г нафталин бар. Осы ерітіндінің 40⁰С температурадағы бу қысымын есептеңдер. Бензолдың бу қысымы 24144,6 Н/м² тең.

5.7. 20⁰С температурадағы 5%-тік анилиннің (С₆Н₅NH₂) эфирдегі ( С₂Н₅)₂О ерітіндісінің бу қысымын есептеңдер. Таза эфирдің бу қысымы 58920 Н/м² тең.

5.8. Егер ерітінді 100,5 ⁰С-та қайнайтын болса, ерітіндідегі қанттың (С₁₂(Н₂О)₁₁) концентрациясын анықтаңдар. Судың эбуллиоскопиялық тұрақтысы 0,52 тең.

5.9. 50%-тік судағы қант (С₁₂(Н₂О)₁₁) ерітіндісі қандай температурада қайнайды (Е_Э = 0,52)?

5.10. 6,48 г күкірт 80 г бензолда (С₆Н₆) ерігенде соңғы қайнау температурасы 0,81⁰С-қа артты. Ерітіндідегі күкірт молекуласы неше атомнан тұрады (Е_Э=2,57)?

5.11. Ерітінді 102,5⁰С температурада қайнау үшін 100 г суға неше грамм глюкоза (С₆(Н₂О)₆) қосу қажет (Е_Э=0,52)?

5.12. 25%-тік несеп нәрі (мочевина), глицерин және фруктоза ерітінділері берілген. Осы ерітінділерді біртіндеп қыздырғанда олар қандай ретпен қайнайды? Есептеулер жүргізбей дәлелді жауап беріңіздер (мочевина – СN₂Н₄О, глицерин – С₃Н₈О₃, фруктоза – С₆Н₁₂О₆).

5.13. Егер қату температурасы -1⁰С (Е_К= 1,86) болса, глюкозаның (С₆Н₁₂О₆) сулы ерітіндісінің концентрациясы қандай?

5.14. Ерітінді -5⁰С-қа (Е_К=1,86) дейін қатпау үшін 1000 г суға қанша глицерин (С₃Н₅(ОН)₃) қосу қажет?

5.15. Ерітінділердің қайсысы төмен температурада қатады: 5%-тік глицерин (С₃Н₈О₃) ерітіндісі немесе 5%-тік глюкоза (С₆Н₁₂О₆) ерітіндісі? Есептеулер жүргізбей нақты жауап беріңіздер.

5.16. -20⁰С-та (Ек=1,86) қататын қоспа алу үшін су мен глицеринді (С₃Н₅(ОН)₃) қандай қатынаста араластыру қажет?

5.17. Таза бензолдың (С₆Н₆) қату температурасы – 5,5⁰С, ал құрамында 0,2242г камфор бар 30,55 г ерітіндідегі бензолдың қату температурасы – 5,254⁰С. Бензолдағы камфордың молекулалық массасын есептеңдер (Ек= 5,1).

5.18. Қату температурасын 1⁰С-қа (Ек=1,86) төмендету үшін 100 г суда қанша қантты (С₁₂(Н₂О)₁₂) еріту қажет?

5.19. 15 г хлороформды (СНСl₃) 400г диэтил эфирінде ((С₂Н₅)₂О) еріткенде соңғы қайнау температурасы 0,635⁰С-қа артты. Хлороформның (Е_Э=2,02) молекулалық массасын есептеңдер.

5.20. Егер массасы 12,7 г йодты массасы 200 г спиртте еріткенде этил спиртінің қайнау температурасы 78,3⁰С-тан 78,59⁰С-қа артса, спирттегі (С₂Н₅ОН) йод молекуласы қанша атомнан тұрады?

5.21. Осмостық қысым 0⁰С-та 5 бар мәнге теңесу үшін литр ерітіндіні неше моль бейэлектролит құрайды?

5.22. Егер ерітіндінің 1 литрінде 12 г еріген зат болса және 17⁰С-та осмостық қысымы 4,82 бар тең болса, еріген заттың молекулалық массасын анықтаңдар.

5.23. Егер осы ерітіндінің осмостық қысымы 17⁰С-та 2 бар мәнге тең болуы үшін, 200 см³ суда неше грамм этил спиртін (С₂Н₅ОН) еріту қажет?

5.24. Құрамында 1,55 г анилин (С₆Н₅NH₂) бар 500 см³ ерітіндінің осмостық қысымы 21⁰С-та 0,81 бар тең. Анилиннің молекулалық массасын анықтаңдар.

5.25. Осмостық қысым мәндерін есептемей, бір литр ерітіндіде 3 г нафталиннің С₁₀Н₈ бе, әлде 3 г антраценнің С₁₄Н₁₀ қайсысының осмостық қысымы жоғарырақ екендігін анықтаңдар.