| Патогенді маңызы және диагностикасы. Залалдану лямблияларды жеміс-жидектерге,
суға түсуі арқылы жұтылуынан болады. Лямблиялар сау адамда кездеседі (белгісіз
тасымалдаушылық), бірақ олар жиі ағзаларда қабыну процестерін тудырады (жиі балаларда).
Диагноз нәжістен және ұлтабар құрамындағылардан лямблиялардың вегетативті формаларын
және цисталарды табу арқылы қойылады.
Алдын алу шаралары – басқа да ішек инвазияларындағыдай.
Споралылардың (Sporozoa) класының 1350 жуық түрлері белгілі. Олардың барлығы
паразиттік ағзалар. Оларға жетілген түрлерінде қозғалу органиодтарының болмауы, және
жынысты және жыныссыз көбеюмен алмасып жүретін күрделі тіршілік циклы тән.
Споралылардың көпшілігіне жыныссыз көбею - ішкі бүршіктену (эндогония) тән. Споралылар
дамуының бір сатысында споралар (дәлірек – спорозоиттар) түзеді. Споралылардың
паразиттік тіршігі құрылысының қарапайымдалуына алып келді: олардың қоректену және
ас қорыту органоидтары болмайды. Қоректену, тыныс алу, бөлу денесінің бүкіл беткейімен
жүзеге асады.
Достарыңызбен бөлісу: | 
