| Қышқылдық бояуларға эозин, пикрин қышқылы, азокармин, флоксин,
конгорот, лихтгрюн, оранж, эритрозин жəне т.б. қышқылдар немесе олардың
тұздары жатады. Бұл бояулар мүшелер кесіктеріндегі гистологиялық
құрылымдардың негіздік (сілтілік) қосылыстарымен əрекеттесіп, оларды
бояудың түсіне сəйкес қызыл, сары, қызғылт-сары, жасыл түстерге бояйды.
Қышқылдық бояулармен боялған гистологиялық құрылымдарды —
ацидофилді немесе оксифилді (қышқылдық) құрылымдар дейді.
Негіздік (сілтілік) бояуларга гематоксилин, сафронин, метилді көк,
пиронин, толлуидинді көк, азурлар, тионин жəне т.б. құрамыңда сілтілі
топтар болатын бояулар жатады. Негіздік бояулар мүшелер кесіктері
құрамындағы қышкылдық қосылыстармен əрекеттесіп, оларды көк, көкшіл
түстерге бояйды. Мұндай гистологиялық құрылымдарды базофилді (
негіздік) құрылымдар — деп атайды. Ал гистологиялық препараттардағы
қышқылдық жəне негіздік бояулармен бір мезгілде қатарынан боялатын
гистологиялық
құрылымдарды
нейтрофилді
немесе
гетерофилді
(бейтарапты) құрылымдар — деп атайды. Нейтрофилді құрылымдарды
бояйтын бейтарапты бояулар полихромды (грек, поли - көп, хрома - түс, түр)
бояулар деп те аталады.
| 
