ШЕТКІ ҚАҢҚА
Жануарлар қаңқасының шеткі бөлімін алдыңғы жəне артқы аяқтардың
қаңқа сүйектері құрайды. Аяқтардың қаңқа сүйектері тіректік қызметпен
қатар, бір-бірімен өзара қозғалмалы байланысып, жануарлар денесінің
кеңістіктегі қимыл-қозғалысын, сондай-ақ, секіру, жүгіру, өрмелеу кезіндегі
дене қимылының серпімділігін қамтамасыз етеді.
Құрлықта
тіршілік
ететін
жануарлардың
аяқтары
жануарлар
филогенезінде, олардың ертедегі суда тіршілік еткен ата тектерінің көкірек
жəне құрсақ жүзу қанаттарынан дамып жетілген.
Жануар аяқтарының қаңқасы белдеу қаңқасы жəне еркін қозғалатын
бөлімнің қаңқасы болып екі бөлімге бөлінеді. Белдеу бөлімінің қаңқа
сүйектері арқылы аяктар жануарлар денесінің тұлғасымен байланысады.
Аяқтардың белдеу бөліміне алдыңғы аяқтың иық белдеуі жəне артқы аяқтың
жамбас белдеуі жатады. Алдыңғы аяқ иық белдеуінің сүйектік негізін
жауырын, артқы аяқ жамбас белдеуінің сүйектік негізін жамбассүйек
құрайды. Ал аяқтардың еркін қозғалатын бөлімдері белдеулерден төмен
орналасып, дененің кеңістіктегі қозғалысын қамтамасыз етеді.
Аяқтардың
Достарыңызбен бөлісу: | 
