"ЖАС ҚАЗАҚ" - республикалық газет. Алғашқы саны 1991 ж. 22 наурыздан 2001 жылдың
шілдесіне дейін шығып түрған. Газет еліміздің саяси, әлеум. және рухани өміріндегі өзекті
мәселелерді көтерді. 2001 ж. 11 тамызда "Ж. қ-тың" жалғасы ретінде "Жас қазақ үні" газеті
жарық көрді. Газет 2005 жылдан "Жас қазақ" деген атпен шығады.
"ЖАС ҚАЙРАТ" - апталық газет. Алғашқы саны 1925 ж. 3 ақпанда шыққан. "Ж. қ."
Орынборда, Қызылордада 2000 таралыммен тараған. "Соңғы жетінің ішінде" айдарымен шет
елдердегі, Кеңес Одағындағы жаңалықгармен таныстырған. "Қазақ жастары бөлімінде"
жергілікті ұйым өмірін, жеке жастардың тілек-талабын жазған. "Тәні саудың жаны сау"
айдарымен дәрігерлік кеңестер, спорт жөнінде материалдар беріп отырған. Шаруашылық
бөлімінде қазақ елінің бұрынғы күнкөріс тәсілін, көшпелі өмірін, жаңаша өмір сүруді
насихаттады. Газеттің ресми, әдеби, пионер бөлімдері де болған. Адамгершілік этика, тәрбие
мәселелерін "Әдет - әдет емес, жөн - әдет" деген айдармен үзбей жазып тұрған. "Ж. қ." 1926
ж. 11 қыркүйектегі 40-санынан бастап Қазақстан өлкелік және Сырдария губ. жастар к-тінің
газеті болып шықты. Бірақ қаржы тапшылығынан 1926 ж. 30 қазандағы 57-санынан кейін
шығуын тоқтатқан.
